台湾组合F4言承旭、吴建豪、周渝民和朱孝天4人因合演2001年电视剧《流星花园》而组成，其后4人因该剧走红，2009年团体解散各自发展。直至2025年五月天演唱会上，F4言承旭、吴建豪、周渝民和朱孝天重新合体造成轰动。早前周杰伦、五月天及F3组成拍新歌MV，近日F3演唱会也顺利举行，但被飞起的朱孝天却在网上发言表达不满。

电影人萧定一不时在小红书出片大谈娱乐圈生态。日前他就出片，以个人观点角度解构朱孝天缺席的原因和后续，也讲得十分精彩“到肉”。他说：“大家谂唔谂到点解？另外𠮶三个签到，又有合约又出到歌，得朱孝天一个，人哋睇完份合约可以去到覆都唔覆，你明唔明，咁一定系朱孝天份约好过份啦。”

他续指，认为朱孝天有过份要求，可能是排名先后，所以五月天团队才不予理会。“阿信团队睇完，一定系：‘朱孝天你老几呀？’”他又笑言，相信音乐方面还找了周杰伦和阿信出面帮忙：“咪嬲到覆都唔覆啰，之后仲作埋歌拍埋MV，人哋周杰伦作曲、阿信填词，首歌唔系叫F4Rever。本来有埋你朱孝天唱，但系人哋觉得你咁鬼烦，合作落去都会好麻烦。人哋觉得不如帮𠮶三个啦，𠮶三个好倾。你觉得会唔爆咩？”他亦坦言，就算只有F3，他也相当期待想入场观看。

萧定一也坦言：“有啲艺人最大问题系唔知自己位置喺边，有当时得令嘅公司帮你，你唔知人哋帮紧你，你仲十万样要求，人哋嬲黝哋咪唔要你啰。人哋唔要你，你觉得冇问题，又好似怨妇咁：‘唔要我，你都话声畀我听。’人哋系嬲你呀！你唔好以为相信音乐会求你先得㗎，朱孝天你老几呀。你要睇啲底层意思，所以相合音乐个负责人会话：‘请看看自己做了什么吧。’即系话，麻烦你返去睇吓份合约有几过份。”

最后，萧定一更点出一个关键：“有时啲艺人都唔知啲脑生喺边，仲要低能到喺直播话人哋唔啱，人哋点会原谅你呢？”