无线（TVB）近年力捧的小花陈懿德（德德），凭住亮丽外型与灵活的反应，工作接踵而来，更被封为新一代“东张女神”。不过，在早前公布的《万千星辉颁奖典礼》提名名单中，陈懿德竟离奇未能打入“飞跃进步女艺员”十强，令不少网民大跌眼镜。幸好，她仍凭实力杀入“最佳女主持”十强，与一众重量级司仪同台较量。

陈懿德在社交平台撰写长文剖白心声

面对失落“飞跃”提名，陈懿德近日在社交平台撰写长文剖白心声，字里行间流露出对事业的热诚与倔强。她直言：“我好想知道凭住自己嘅努力，我可以行到几远。”她回忆自2021年入行至今，领略到许多以为“不可能”的极限，其实全在于一个信念：“在于你有几想做到件事，你有几相信自己可以做到。”

细数近两年的成绩表，陈懿德的确交出亮丽表现。从港姐、台庆到奥运，甚至独挑大梁主持颁奖礼、跨国与“少女时代”同台，进步神速：“踏上启德嘅舞台，再到自己一个主持选秀节目。”她感叹在经验尚浅时能获得这些难得机会，令她明白“冇可能”原来都可以发生。

对于主持工作，陈懿德更升华至一种“使命感”，希望借此鼓励正在追梦的人：“追梦嘅路从来都会有点崎岖，甚至有啲时候你会跌得好痛，但我相信呢啲经历都系缺一不可嘅养分。”字字铿锵，最后更呼吁粉丝支持正在向“最佳女主持”迈进的她，展现出强大的体面与志气。

陈懿德长文如下：

“我好想知道凭住自己嘅努力，我可以行到几远。”
就系咁，2021年我入咗行。

喺呢几年我明白到，其实有时你以为“冇可能”嘅极限其实并唔系想像中咁遥不可及，有时可能系幸运，而有时可能系在于你有几想做到件事，你有几相信自己可以做到呢件事。

呢两年有好多“冇可能”嘅机会发生咗系我身上。上年踏上大show司仪嘅路，做港姐、台庆、奥运、节目巡礼，甚至年头竟然有机会自己一个做颁奖礼嘅司仪，再到第一次出埠做MC，同细个最钟意嘅少女时代同台，踏上启德嘅舞台，再到自己一个主持选秀节目，甚至参与production meeting认识唔同岗位注意嘅野。

喺呢啲机会出现之前，我从未谂过经验尚浅嘅我竟然可以拥有呢啲咁难得嘅机会。呢啲“冇可能”原来都有可能发生。

而透过呢啲机会，令我揾到自己做司仪嘅使命感-我希望为每一位睇我节目嘅观众、信任我嘅客户带黎一点快乐。

主持，对我黎讲，并唔系一份工作，而系一份使命，更加系一趟探索人生唔同“可能”嘅旅程。

虽然我仲有好多需要学习嘅地方，但我希望陈懿德都可以为萤幕前嘅你带嚟一点鼓励、一点力量。特别系努力追梦嘅你，想证明自己嘅你。追梦嘅路从来都会有点崎岖，甚至有啲时候你会跌得好痛，但我相信呢啲经历都系缺一不可嘅养分，都系为咗成就更强大嘅我哋而存在。

希望我哋一齐努力，向住未来更多嘅“冇可能”，向住最佳嘅自己进发。

希望你可以支持 向住最佳女主持努力嘅陈懿德。