钟柔美（Yumi）早前疑似错手上载被Super Tiger组合成员刘展霆从后揽实兼锡面短片，其后解画指只是玩“真心话大冒险”游戏输咗接受惩罚，尽管她在访问坚持自己是“A0”，但有关她的私生活和情史随即在社交平台疯传，引起网上热议。

林俊其曾关心刘展霆

罗毓仪和林俊其今日（2/1）现身将军澳电视城出席无线节目《女神玩转嘉年华》宣传造势活动。身为刘展霆好友的林俊其就事件接受《香港01》访问时表示：“其实事件发生咗之后，我都有关心佢，而佢就有同我讲佢而家Ok，而我都相信佢系Ok。（外界认为佢哋系拍紧拖！）其实《青春本我》佢哋一齐拍跳舞系好好朋友，所以我就觉得佢哋系好朋友关系。（佢有讲话追紧佢 ）呢个我就唔知啦。（你同刘展霆咁好朋友见到钟柔美被爆多宗情史有咩感觉？）有咩感觉呀⋯⋯”

罗毓仪唔评论钟柔美A0人设

罗毓仪接著说：“我觉得每个人都有自己嘅过去，就好似我拍《女神配对》嘅时候，都有人问我对于另一伴嘅过去执唔执著，我就觉得每个人都有自己过去，最紧要系呢一刻爱大家。（钟柔美一直坚称A0!）咁详情就唔多加评论。”