古巨基与57岁的太太Lorraine于元旦在社交平台突然报喜，宣布家庭再添新成员，他表示，这是2025年对一家三口最感动的事情，特地选在2026年的第一天与大家分享，并祝愿Kuson和弟弟相亲相爱，自己亦会继续做个好丈夫、好爸爸。消息一出，震惊全城，随即引起网上热议，有网民认为57岁高龄生B实属揾命搏。

林奕匤今日（3/1）现身铜锣湾出席活动接受《香港01》访问时说：“睇到佢公布喜讯我系好开心，我见到佢都有讲自己都有兄弟姊妹，变咗佢都想自己嘅小朋友都有兄弟姊妹。而我自己都有一个哥哥，其实咁多年来，我都有个谂法，话系一生就生两个，但今时今日我就觉得，对呢样嘢就有少少改变，因为有一个已经好开心，同埋真系有啲嘢都唔知，变咗所以顺其自然。”

对于有网民认为Lorraine 57岁高龄生B实属揾命搏，林奕匤表示：“佢实系好犀利，其实佢哋Po得先知，所以内情系点就唔知道，但非常之恭喜佢。而我都有听闻过，迟啲生B嘅人，系会活得更老，的而且确数据系咁，当中系有好多原因，例如个B长大，你会继续要同佢玩，变咗自己个身心都会好啲，咁所以系好事嚟。”