TVB《万千星辉颁奖典礼2025》今日（2026年1月4日）于澳门上葡京综艺馆举行，有传总经理（节目内容营运）曾志伟将会离任总经理职务，转以顾问身份与TVB合作，而TVB将在今晚典礼上增设环节答谢曾志伟多来对TVB的付出，更会向他颁发一个重量级奖项。

曾志伟儿子曾国祥的太太王敏奕，今晚亦有出席《万千星辉颁奖典礼2025》，并凭《新闻女王2》入围“最佳女配角”十强，她透露曾国祥不在现场；被问到曾志伟是否即将离任时，她说：“我都好似收到呢个消息，所以同大家一样系等消息，同大家同步。（之前有冇同你讲？）唔使同我交代嘅。（家庭群组有冇异样？）冇㖞，可能Derek（曾国祥）知，但佢好口密冇话我知。”

她透露老爷未有交代要对传媒封口，讲到曾志伟是否即将转职顾问，王敏奕表示：“我谂其实佢呢几年喺TVB，佢嘅工作能力，佢付出嘅时间、心机同埋成绩都系有目共睹，所以大家都系好希望……当然TVB好需要佢，一众同事见到佢，士气就非常之好，所以佢系一个灵魂人物。”问到是否因年纪大要退休，王敏奕指曾志伟没有觉得自己年纪大，反而精力十足，有时甚至连她自己都攰、要返屋企，但曾志伟仍留到最后，令她非常佩服，也深深感受到曾志伟多年来付出热诚，一定要有相当目标跟兴趣，这样才会做得好。

记者续问曾志伟会否是想退休抱孙，王敏奕笑言：“冇㖞，冇收到呢个消息。”她坦言家人关心曾志伟，见到他累，都会提他要休息、放假，但对方确实很认真投入工作，又谓：“每一个人都有佢自己决定点样过生活，大家都尊重，当然希望佢身体健康，系非常之紧要，我谂佢都知，大家都知。”

问到会否担心曾志伟不再掌权后，自己机会变少，王敏奕表示：“唔谂啦，自己做演员咁多年来都系不断咁去希望监制、导演见到我嘅努力，同埋可塑性，如果大家睇到就自然会揾我，所以呢一样嘢不嬲都唔系一个考虑。”