万千星辉颁奖礼，今晚在澳门举行，马国明今晚亦有份角逐《最佳男主角》，他接受传媒访问时提到亡父一事，亦不禁流泪，心情仍未平复，他说：“屋企有好多嘢都未搅哂，仲有啲沉重，Daddy年纪都大啦，佢无乜痛苦，佢系瞓瞓下觉咁样走，听啲年纪大嘅朋友讲，咁样都系福份嚟，始终会觉得系咪可以同佢相处耐啲呢？Daddy有时都讲，‘你自己有头家喇⋯⋯’佢都惊我辛苦，但我成日同佢讲我都冇乜压力，佢入咗医院之后都有同佢倾偈，爸爸知我我钖佢，但当然想同佢耐啲时间，佢冇催我生仔，但谂返转头如果有，可能佢会开心啲，希望佢一路喺上面望往我啦，所以一家人齐齐整整系好紧要，希望大家都身体健康，而家都会尽量抽时间倍妈妈，我要睇住老婆同头家，但我OK嘅，佢一路喺我身边陪住我，其实陪伴好紧要，陪伴系一个好好嘅力量同支持。”