陈自瑶（YoYo）今晚现身TVB《万千星辉颁奖典礼2025》，穿上一袭开窿黑色晚装，非常痒眼！陈自瑶接受《01 娱乐》访问被赞又靓又性感，她笑著连声说：“多谢多谢，还好啦，想尊重场合，每次拣裙唔想都系类似，今日呢条裙呢个款式未著过，不如挑战吓。”她透露已第四次担任丰胸代言人，所以间中亦要尽代言人责任，大骚身材。

今年陈自瑶凭《刑侦12》提名最佳女配角，她表示过去已曾得过该奖项，今年看好龚慈恩，她说：“我已经攞过，颁吓俾其他人，睇好龚姐，几十年演技唔系流嘅，已炉火纯青。我成日问佢点保养咁靓，皮肤好，仲好nice，真心嘅，真系好好。”

陈自瑶刚拍完新剧《玫瑰战争》，有空去旅行。早前她在社交网上表示一个人去旅行好开心，再惹离婚传闻。陈自瑶表示没有特别含意，她说：“明白明白...一个人好自由，好多时人大咗多责任，可能系人个女、人嘅妈咪、一个艺人，好多责任。但有时一个人，好几年前试过一个人去旅行，我就爱上咗，有种好自由做返自己嘅感觉，冇特别含意，纯粹讲紧个旅行。”