TVB《万千星辉颁奖典礼2025》今日（2026年1月4日）于澳门上葡京综艺馆举行，“飞跃进步女艺员”奖项由叶蒨文夺得，她从颁奖嘉宾米雪、陈松伶手上接过奖座，表示：“我好荣幸可以喺咁优秀嘅两位前辈手上接过呢个奖，多谢你哋！我想多谢公司，多谢珍姐，多谢曾生，多谢乐小姐。首先我要多谢《爱．回家之开心速递》，我由第一集开始做，陪住观众，睇𩠌食饭……唔系，系睇电视食饭，食咗八、九年，我觉得可以陪住大家成长，有啲小朋友就读书，小学、中学、去到大学，跟住有啲出咗嚟社会做嘢、结婚、生小朋友，咁多年绝对唔系一个短嘅时间，令到我觉得做一个艺人系好有意义。”

她又特别多谢《女神配对计划》，指自己今年因这个节目大丰收，多谢台前幕后所有人，又表示：“呢个节目令到我多咗好多女粉丝，多咗好多年青妹妹欣赏我，佢哋钟意我唔系因为我演嘅角色，佢哋钟意我个人，欣赏我嘅价值观，令到我觉得做艺人系一个更加有使命感嘅嘢！跟住我要多谢Jazz（文伟鸿），多谢《夺命提示》，畀咗今年第一个妈妈嘅角色我，多谢公司俾咗好多主持嘅机会我，令到我飞跃咗好多！”最后，她当然不忘多谢男友曾展望（GM）：“最后我想多谢GM，多谢GM妈咪煲汤俾我饮！多谢我嘅屋企人，同埋多谢苏菲猫（Fans），多谢你哋，我今年系入行第10年，2026……我系2016入行嘅，呢10年唔系一个短嘅时间，佢令我明白到，追求一个高度同奖项，唔系我最向往嘅嘢，我系反而觉得尽力而为，同埋享受过程系更加重要。所以虽然我好多谢你哋畀呢个奖我，但系嚟紧我会继续用热诚去做呢份工，因为我相信有团火系最打动到观众，多谢！”