TVB《万千星辉颁奖典礼2025》今日（2026年1月4日）于澳门上葡京综艺馆举行，“飞跃进步男艺员”奖项由吴业坤夺得，未宣布时已经激动爆喊，非常激动！吴业坤讲得奖感受时表示：“呢程车我都搭咗差唔多16年，终于兜兜转转，攞咗呢个飞跃奖，我好开心！多谢TVB，你养足我咁多年，多谢乐小姐，多谢你照顾咗我咁耐，希望你会睇到我退休为止……我退休呀讲紧。多谢珍姐，多谢你一直畀过我嘅机会，多谢曾生，你嘅小小嘅支持，多谢许生（许涛），希望有机会可以同你倾多啲偈，多谢佳导（钟澍佳），多谢你咁信任我，俾咗好多好好嘅角色我，先至可以有得进步！”

之后他多谢日籍太太浜口爱子，亦重提当年扮棋，他说：“仲要多谢我太太，今晚我会饮多少少先，仲要多谢我妈咪、我阿妹，有你哋照顾住屋企，我可以咁放心去做任何事情，然后要多谢呢十几年嚟同大家合作过嘅台前幕后，真系所有梳化服，因为有你哋先会有呢个成长，同埋多谢我嘅Management Team，希望唔好再为咗我闹交。同埋8楼嘅同事，多谢你哋一直去睇住我，希望你哋为我有开心嘅一刻，畀我讲多少少！由《超级巨声》到今日，做过棋，做过儿童节目等等，都系成就到我今日，同埋我觉得我最想讲嘅，就系每个人都唔同，有啲人可能赢在起跑线，有啲人做棋或者做小喽啰，但系唔紧要，人生呢个赛道系冇终点，只要你争气，继续行落去，一定会见到你想见到嘅风景！仲有希望以前……15年前坤哥呢个名，系一个好搞笑或者好低能嘅小朋友，但系15年后，坤哥呢个名，希望大家听到之后，会觉得佢系专业同埋认真，多谢！”