TVB《万千星辉颁奖典礼2025》今日（2026年1月4日）于澳门上葡京综艺馆举行，“最佳男主持”奖项由林盛斌（Bob）夺得，Bob素有“金牌媒人”之称，他先向近日失恋的陈庭欣喊话：“陈庭欣，唔使担心，我一定会帮你揾男朋友！2026年我咩都唔搞，净系搞你一个！”之后他显得非常感触，更收起平日的搞笑，严肃讲得奖感受：“多谢TVB，我等咗呢个奖等咗好多年，今日终于有呢个机会上台，去见到呢一个画面，多谢主席！呢几年你做得好好，继续努力加油，知唔知呀？多谢曾志伟先生，你同我讲你话做主持人，要庄谐并重，我希望呢几年你见到我嘅进步同埋改变，我会继续加油，会继续努力。多谢珍姐，多谢你，我会继续乖啲㗎喇，多谢萧生、佳导、乐小姐。小姐，感谢！我要好多谢所有评审，所有投票俾我嘅朋友，我要好多谢喺TVB第一个揾我入嚟做节目嘅监制，系《兄弟帮》嘅Ken哥。”

之后Bob多谢其公司棋人娱乐的拍档、经理人以及家人：“我要好多谢我嘅屋企人，我嘅爸爸妈妈同埋细佬，佢好支持我加入演艺行业，我要好多谢我外父外母，生咗个女，做我老婆，佢系我最强大嘅后盾，永远支持我，等我可以好努力咁样喺出面拼搏，揾食揾钱，俾佢洗。我要好多啲小朋友，佢哋而家应该睇紧，霏霏、熹熹、机机、JJ，有几年我有份提名，冇得攞奖，返去同佢讲嘅时候，佢哋话‘唔紧要啦爸爸，喺我心目中，你永远都系攞唔到奖𠮶啲人嚟㗎喇！’爸爸今年攞到喇，希望可以令到你哋觉得骄傲！”

之后他又提到经常面对负评，表示：“我想讲嘅系，我好记得我入嚟电视台啱啱做嘅时候，我见到最多网上面嘅评论系话我，‘哗，呢个死肥佬个样好衰，呢个光头佬把声好嘈，食屎啦！收皮啦！’我当时都有少少唔开心，但系我同自己讲唔紧要，可能佢哋未认识你，畀啲时间自己继续努力加油，顶住，然之后过咗一排我见到有啲留言话，‘条友都OK㖞，都几得意，都几好笑。’所以，我要好多谢曾经用过我嘅监制、导演编审、PA、Writer，系你哋话畀观众知，阿Bob虽然个样唔系话太靓仔，又冇咩头发，把声亦都好嘈，但系佢都系一个专业嘅主持人。最后，我想同好多仍然同我一齐努力拼搏紧，喺演艺圈里面所有嘅同业、同行、咁多位同事，演艺呢条路系好漫长，亦都唔容易行，我亦都面对咗好多嘅系，喺我咁多年来，亦都俾好多人去批评你，打击你，好多人会睇你唔起，睇死你，甚至乎睇你唔到，但系唔好俾依样嘢佢影响到自己，只要你对自己有百分之百嘅信心，继续坚持，继续努力，继续行落去，将会有好多好美好嘅事发生喺你身上！”

讲到这里，Bob声都震埋，之后高呼：“今日我好开心攞到呢个奖，俾我一个好大嘅鼓励，我会继续努力做一个最好嘅主持人，多谢！”谁知他太激动，将奖座一下撞落台时，竟将奖座打烂，令全场吓呆！颁奖嘉宾王祖蓝打圆场说：“TVB开台以来第一位喺台上面整烂个奖，落地开花！”