“新闻女王”Man姐佘诗曼再次写下历史，凭剧集《新闻女王2》第4度夺后！佘诗曼接受《香港01》访问时，还未平复激动的心情，直言像“发紧梦”般，仲大爆当年与张兆辉去拍旅游节目的辛酸史。

攞奖唔容易：个个都熬更抵夜

佘诗曼表示，每次攞奖都觉得好难、好值得鼓励：“因为有好多人一齐角逐，其实个个人都系好畀心机做，个个人都付出咗好大嘅努力，个个人都系挨更抵夜唔够瞓，个个都日晒雨淋，点样可以喺呢度攞一个奖。”提到拍档黄宗泽（Bosco） 同样夺奖，佘诗曼大赞对方将“Kingston”这个角色发挥到极致，仲话佢哋两个“天时地利人和”先有今日嘅火花：“佢的确系将Kingston做到超越咗剧本需要嘅嘢，成日都话咩口贱啊咩衰啊，咁其实唔系嘅我觉得，其实佢都系一个好聪明嘅角色嚟嘅，都系好大发挥嘅一个角色，佢亦都好称职，仲再丰富咗个剧本咁样，所以我觉得系实至名归啊。”

渴望挑战“接地气”角色

另一方面佘诗曼讲到她与林文龙的交情，她笑谈当年刚选完港姐后，与林文龙去韩国拍旅游节目，坦言系“人生最辛苦嘅一次”：“𠮶阵要每日换一间酒店，自己搬行李、自己整头化妆，真系好‘落难’，所以之后我都唔敢再接旅游节目喇！”

被问到夺了多届视后后，还有什么想挑战？佘诗曼坦言想一些“接地气”或者关于基层、反映现实的角色：“好想试下唔使化靓妆、唔使著靓衫、唔使去高级餐厅嘅角色，希望有机会可以演到啲更有生活感、更入屋嘅戏。”

至于曾志伟离任总经理一事佘诗曼就表示虽然不舍得，但亦支持他的决定，最重要是他可以轻松一点，不用再那么大的压力：“佢头先话习惯朝早起，起身开会九点十五分，梗系啦！我都最憎早起身，我都做唔到高层㗎！佢已经好劲㗎啦，佢咁多嘢搞，咁多嘢要兼顾，但系日日都要开咁早，其实真系一个负担同埋压力啰。”