炎明熹（Gigi）今日（7日）正式宣布加盟Sony Music大中华区，成为继萧敬腾后，第二位三地签约歌手，换句说话即是升呢“一姐”。为隆重其事，唱片公司于黄埔举行盛大发布会，而大中华区CEO 陈国威（Andrew）亲自到场支持。而对于为何会选择加盟Sony Music、对于旧歌版权、与TVB的关系以及After Class队友的近况，炎明熹亦一一正面回应。

自嘲“二妹”不敢当一姐

发布会上Gigi首度公开献唱新歌《风旅》，她受访时就自爆其实惊到脚震：“今日心情紧张又激动，因为要唱（新公司）第一首歌俾大家听。其实非常之紧张。”她笑言不知道上天是否玩她，这几天感冒，所以前一晚连吃了几粒Panadol，希望“醒醒定定”。

对于成为继萧敬腾后第二位签约大中华区的歌手，被问及是否以此确立“一姐”地位，Gigi即发挥幽默本色，谦虚笑言：“我唔可以系二妹？继续加油啦！”炎明熹又坦言想与萧敬腾合作，CEO都有跟她说“萧敬腾前辈叫妳加油”，所以好想做好。对于CEO用“极力游说”四字，Gigi就笑言：“唔好听佢呢个咁游说嘅说话，其实系大家互相欣赏，同埋觉得理念几一致。其实我当初都好紧张，因为大家都知我唔系咁识讲嘢，同埋组织能力都好差，所以我系好惊见到高层们，但我都feel到佢好nice，亦都好似爸爸一样，希望大家好好磨合，擦出唔同嘅火花。”

与新公司合作形式进行　否认天价加盟

Gigi透露今次合约是以其个人工作室与Sony Music大中华区合作形式进行，CEO公开称呼她为“炎老板”，但Gigi就笑言自己还未习惯这个身分：“我唔知自己对唔对得住炎老板呢个角色，因为我好似无一啲老细应该有嘅气势。” 她更自嘲麻烦，经常“纠结”事情，很多微细事情都要团队帮忙处理，所以会非常感激一直陪伴她的团队。

笑问Sony Misic可需出动8位数天价邀请加盟，Gigi数一数，然后惊讶笑说：“你唔系讲笑啊？”未有正面透露具体金额，反而以“旅游手册”形容这段新关系：“希望接住落嚟大家陪我一齐去揭开呢个新嘅旅游手册，一齐写好多唔同美好嘅回忆。”问到新公司可有向她承诺，会帮她举行红馆演唱会，甚至朝著偶像周深为目标，在启德演开个唱？她表示：“一步一步嚟啦，每一个舞台对我嘅意义都未必一样。佢哋亦都好明白我嘅心意，我唔系急住开骚嘅人，我想准备好自己再表演俾大家听，所以现阶段我想先专注喺新歌上面。”

旧歌版权带不走？　Gigi：人生会有惋惜

Gigi离巢TVB后，粉丝最关心的莫过于她过往的《真话的清高》、《好想约你》等歌曲能否再唱，问到会否同新公司商量向TVB购买旧歌版权，始终是心血？Gigi叹一口气表示：“都系嘅！但我觉得一个新的篇章，（之前）嘅旅程好好地完结咗喺手册里面，然后我哋打好咗一个基础，之后我哋再去一个新嘅历程。（会唔会觉得可惜？）人生无任何事情系可以用好同唔好去定义，同埋人生咁短，一定会有啲好开心嘅事，亦会有惋惜嘅事情。正如我以前做功课做到喊，觉得自己完成唔到，系人生最惨嘅时候，但而家20几岁回望返，其实咪都系做咗。屋企人教我，当刻发生咗一件好大嘅事情，但回望返过去，其实只系好小嘅事情。”

而与新公司的歌曲版权？Gigi表示：“歌曲系大家架！”，问到是否经一事长一智？Gigi认为：“我觉得任何事情都系有经验嘅，有啲好嘅事情当然系好，但系一啲无咁好嘅事情，都可以系一个好好嘅经验。我觉得我呢段时间不断成长紧，每件事学识谂多啲，化作为经验。”至于今日旧东家TVB继续未有派员采访，Gigi望一望“咪牌”大方表示：“我觉得我开咗一个新嘅篇章，其实我非常多谢旧公司嘅栽培，其实我系旧公司打好一个好好嘅基础，亦都好多谢佢哋一路以来嘅包容、支持和帮助，所以我好想带住前公司嘅力量，一齐再去一个新嘅地方。”

问到未来有无机会以Sony Music大中华区歌手身分，重返TVB献唱？Gigi表示：“未来系一个未知数。（妳自己呢？）我自己当然非常希望，我系好想去尝试唔同嘅事情，同把握唔同嘅机会。所以无论喺边个舞台都好，我都想试下。”

回应After Class姊妹是非

提到After Class的其他成员，Windy（詹天文）疑似讲错说话，而Yumi（钟柔美）又卷入是非，Gigi坦言因为早前忙于音乐会，时间好紧迫，所以没特别去慰问：“不过只要佢哋有需要嘅话，我一定会做佢哋个树窿。（Yumi现在被人骂是大话精？）我觉得呢件始终系比较私隐嘅事情，问返佢本人比较好。”