曾参加《中年好声音》的涂家尧今日（ 9/1）现身尖沙咀出席《同心同路·声动香港》慈善音乐会记者会。涂家尧接受《香港01》访问时表示：“其实今次我哋一大班嘅歌手，会用歌声为大埔受火灾影响嘅居民或其他人士送上温暖打气，咁所以帮助佢哋有好多方式，哪怕可能我哋唱首歌或者同朋友倾下偈去开解，我觉得都好紧要。”

涂家尧苦等2年终于出国语新歌，他透露歌词背后隐藏着一个朋友真实故事：“呢首歌系一首悲歌嚟。记得𠮶阵时写歌叶树辉问我想写咩故仔，当时我谂唔到，我唔想又系情歌，又或者失恋，前后谂咗好耐，突然间有一日收到个信息，有个朋友喺台湾离开咗，咁就系因为佢有呢个病，咁我醒一醒，不如就写关于抑郁症，于是就揾咗一位喺台湾嘅歌手就就写咗呢个词。”

对于《中年好声音》参赛者林俊一被控多项非礼及普通袭击罪，涉及多名男学生，包括一名未成年人士罪成，法院将于2026年1月26日判刑。涂家尧表示：“我喺参加《中年好声音》之前我有一个东区有一个比赛。咁𠮶次系佢都系参赛者咁𠮶阵时有一面之缘，但当时同佢冇乜两句，只记得佢有同我讲有个节目叫《中年好声音》问我有冇报名咁。”

涂家尧续说：“当时我都唔知道佢有参加，系到我去到 100强拍摄𠮶阵时我撞到佢，然后大家讲咗两句咁样。（知到佢涉案有咩感受？）我知道佢𠮶件事发生系教唱歌，导致到去做咗𠮶啲非礼人嘅事。（会唔会觉得好呕心？）我相信大家都会有一样嘅感觉嘅，对于呢啲事即系始终人哋唔同意嘛，就算人哋同意你都要睇下𠮶个系咪你自己个伴侣啦，不过佢自己要对返佢自己行为负责任。”