《万千星辉颁奖典礼2025》于日前圆满结束，“视帝”最佳男主角、“视后”最佳女主角分别由黄宗泽和佘诗曼夺得。众多得奖者之中，尤其是王敏奕击败龚慈恩最令人意外。日前电影人萧定一就在小红书上发表言论，分析龚慈恩落败的原因。

万千星辉＝鼓励续约？

萧定一直言：“万千星辉比叱咤更摆明车马，龚姐冇奖攞，大家都明𠮶件事嘅游戏规则系点样。”他表示，快将满约的艺人而又肯续约就会有“奖励”：“系一种鼓励续约嘅技巧，可能黄宗泽就嚟满约，佢廿几年都有攞过，咁就畀个奖你顺便签续约。”他又指出，同样道理套在佘诗曼身上也适用，指可能佘诗曼答应拍《新闻女王3》就有奖。萧定一以五个字带过：“都系商业啦。”

萧定一：唔公道呀，（女配角）畀王敏奕

不过萧定一也重申，自己看完《新闻女王2》后觉得黄宗泽和佘诗曼的演技也是出色的。他说：“Bosco我觉得系好嘅，你哋点讲都冇用。阿佘当然系好啦，只不过剧本唔好。”之后，他又认为论表现龚慈恩绝对比王敏奕好：“龚姐绝对讲戏，系好过王敏奕。王敏奕唔系唔钟意，我都好钟意王敏奕，但系唔公道呀嘛畀王敏奕。因为龚姐真系做得好过佢。王敏奕佢真系好靓，我唔明点解当初冇大捧佢，我已经觉得好奇怪，其实我觉得王敏奕系可造之才。但系以戏论戏，应该畀龚姐，但成个TVB系统就系咁。”

TVB颁奖礼＝周年年会？

接着，萧定一又以“公司周年年会”去形容万千星辉颁奖典礼：“颁奖畀佢间公司，觉得未来同佢更揾到钱嘅员工，你咪明白成个嘢，你哋唔使咁认真。如果觉得𠮶个人就走，唔会同我揾到钱，咪𠮶畀个奖牌系啰，就系咁解。或者系贡献好大，咪生个奖出嚟畀曾志伟。”

“畀二叔、三婶、六姑婆都得”？

萧定一亦直言：“TVB连机制都唔会有，佢讲边个就边个，畀边个就边个。”翻查资料，TVB曾于2023年公布过“万千星辉”的机制，赛果会由观众投票、TVB职艺员投票及大会评委会的联合评选模式选出，如视帝、视后、最佳剧集等，都是由这三方联合选出最后五强，再由评委会决出得奖者。

萧定一又以“团年饭”作比喻：“钟意自己搞啲颁奖畀二叔、三婶、六姑婆都得㗎，冇问题，都一样之嘛，呢个就系个游戏。”他也特别提到，林盛斌“扑”烂个奖是高潮所在：“实在太好笑。”

形容黄宗泽攞奖系“佩服自己”

最后，他提到：“点解团年饭攞奖会咁开心？因为佢家族好大，喺围村家族咁大，有成几千人。你去TVB做嘢等于要排队入闸，男主角可能有80人排紧，你排队终于排到男主角，仲未攞到㖞，好似黄宗泽咁，仲要排廿几年先攞到奖，咁你系畀自己好感动，就系你喺一间咁嘅机构都可以忍受同排队咗20年，所以真系好值得感动。咁嘅机构都排队排咁耐，佩服自己𠮶种坚持，所以咪好开心啰。”