TVB《万千星辉颁奖典礼2025》早前圆满结束，现年19岁的“声梦小花”詹天文（Windy）因为在领奖时的一个举动惹来网民热议，被指在台上“抢奖”，日前她接受《香港01》访问时坦言当时因太过紧张而“断片”，事后已即时向颁奖嘉宾林敏骢前辈致歉。

台上“断片”失仪　获前辈林敏骢体谅

詹天文当晚得奖后在台上“自动自觉”拿起奖座，被不少网民批评“无大无细”、“唔识礼貌”，她回忆起当刻仍显得相当尴尬：“当我知道自己入咗五强之后，其实一早谂好咗少少讲稿。但一上到台，见到个奖喺台面，又见到个计时器系咁倒数，我就变得更加紧张，一心谂住攞咗个奖就快啲讲多谢边个，𠮶阵我完全唔记得咗原来要由嘉宾颁奖先得。”她又感激林敏骢当场的提醒，并指对方事后亦表示体谅，没有怪责她。

詹天文表示上台后见到有计时器：“本身有两分钟畀我讲，但系当时我开始讲嘅时候就净返三十秒时间，咁所以我就用咗好极速嘅语速，就好似冇谂咁多就讲咗好多嘢出嚟。”之后亦有不少网民留负评，觉得她有很多不足之处。

面对网民负评：我会慢慢沉淀

对于网上排山倒海的负评，詹天文表示都有留意，并谦卑接受批评，并表示“年纪细唔系借口”：“即系自己都要就算好紧张都系要keep返淡定，唔可以用年龄去讲，即系虽然自己19岁但系都已经大个，就唔可以话因为咁细个就可以有呢个错误发生。我之后都会再淡定多啲，同埋听多啲网民嘅意见。”

詹天文透露，外界一直指她说话语速太快，给人一种思虑不周的感觉：“因为好多人都有同我讲话我讲嘢嘅语速太快，所以就搞到可能未思考清楚就已经讲咗啲嘢出嚟。咁所以佢哋就叫我要讲嘢前三思多啲同埋慢慢讲，咁我而家都开始可能对住块镜会练下，或者甚至系同friend倾偈嘅时候，都要注意呢个语速嘅问题。”她觉得自己词不达意有机会是因为在内地读书，所以用书面语比较多：“我都觉得主要嘅原因都系，可能我而家喺广州𠮶边读书读得多，咁就搞到我而家好多嘢会变咗书面语，或者而家𠮶个表达方式就有少少变咗，会有少少词不达意，咁所以都希望大家会谅解。同埋我之后都会慢慢地去沉淀下，跟住谂多啲点样去讲，再去讲出嚟。”

为了改进，詹天文计划未来透过阅读来“增加内涵”：“因为其实我自己系好唔钟意睇书嘅，可能我净系会喺一啲片上面去吸取一啲知识，咁我都希望自己可以再增加一啲再深层或者多啲有内涵嘅嘢。”