《万千星辉颁奖典礼2025》上周日（4日）圆满落幕，凭台庆剧《金式森林》成为视帝大热的罗子溢（前名罗仲谦），最终虽然大热倒灶，败给《新闻女王2》的黄宗泽，但“受封”网民心目中遗珠的他，心情似乎未受影响。昨日（9日）他现身活动时接受《香港01》访问，谈及太太杨茜尧（前名杨怡）在后台送上鲜花与手写卡力撑，露出招牌幸福笑容，直言这份惊喜比奖项更甜。

杨茜尧送花“撑腰”　罗子溢：太太最懂我

提到颁奖礼当晚，杨茜尧特意留守到最后，并为他准备了写上“你是我心目中的No.1”的卡片，子溢坦言非常窝心：“其实我太太都系呢行嘅人，好多嘢都尽在不言中，佢之前写咗张心意卡畀我，大家都有见到入面写咩，我完全感受到𠮶份心意。有畀个拥抱我嘅，系好 sweet 嘅。”

虽然与视帝宝座擦身而过，但子溢透露回家后有一份更大的惊喜等紧他——一对仔女亲手画的“第一名奖杯”草稿。他笑言：“小朋友未必知发生咩事，但佢哋会同我讲‘爸爸加油，继续努力’，我会同佢讲，其实爸爸见到你攞奖，我仲开心过自己攞奖！”

女儿200本阅读奖成动力

近年演技大跃进、由阳光男孩转型沉稳中佬的子溢，私下亦有一套独门育儿经。他罕有分享女儿在学校的“威水史”：“囡囡佢攞咗个阅读奖，佢一个月可以睇到 200 本书！当然系啲比较薄嘅书啦。仲有啲运动奖、义工奖，我全部都好珍惜。”

对于被问到是否“虎爸”，子溢即时强调：“我系辛苦嘅苦！”他表示自己最看重的是学习与玩耍的平衡。“我觉得学习同玩一定要平衡，如果小朋友净系识读书而唔知咩系开心，咁系唔得嘅。所以对我嚟讲，畀佢哋感受到玩同学习嘅平衡，对佢哋成长先系最好。”