曾是TVB“电视广播业务总经理”的陈志云，在2015年起担任商台首席智囊，并有主持《在晴朗的一天出发》节目，近日他在节目中倒数，并宣布2026将有“新人事”接任，离巢似乎已成定局。外界揣测陈志云或因早前透露MIRROR或派员出席《叱咤》，但最终MIRROR并冇现身，使他被指“吹大咗”而离开商台。森美出席活动时回应事件，爆MIRROR与商台磋商内幕，相信陈志云去留与此事无关，表示：“我谂你太睇小志云大师喺电台高层嘅地位，以佢呢个地位可以再讲大啲都得，好小事咋。”

森美昨日（10日）现身痛症中心开幕活动，自嘲是“痛症达人”：“相信每位真男人身体上都有啲经历、战绩，我经历都唔少，因为扁平足关系我细个成日拗柴，膝头又容易痛。”森美热爱打篮球亦是众所周知，原来他亦曾经因为打篮球及习惯性趴睡而导致腰背受伤，20多岁时已经椎间盘突出，严重到无法起身，手踭及手指尾也因打球旧伤，得到高尔夫球手、网球手及肿痛，痛楚万分而就医。从前的伤患已成为今日旧患，森美认为没有任何东西比自己身体更加紧要，如果痛症处理不当，每当天气转变或热身不足更容易复发，所以建议遇到任何痛症及早接受专业治疗，否则后患无穷。

陈志云派饼惹散水疑云　森美吓一吓︰得我有其他人冇？

陈志云近日屡在商台节目“倒数”，有指他即将离开甚至是重返TVB，森美则回应：“我唔知，睇报道见佢话离开商台，但我唔系高层、管理层，下面唔知佢哋管理层情况。佢有请我食炒米饼，喺元朗好出名，人哋请佢，佢送畀我食。我食完佢再请我食，头先有人问系咪散水饼，我吓咗吓，唔系呀嘛？得我有咋㖞，其他人无嘅？我就唔知佢系咪离开，不过我觉得依家呢个世代，大家喺唔同电子媒体游动都好正常，因为而家都唔系以前咁，有internet嘅世界系比较流动啲，小仪都离开电台去其他地方做，呢啲都正常。我都想知，我见到佢返TVB影张相，当然佢喺商台也好、TVB掌权嘅时候也好，都制作咗好多好睇、好听嘅节目，所以对我嚟讲都密切期待，睇下佢系咪返TVB。”

否认陈志云“吹大咗”被炒　揭MIRROR缺席《叱咤》内情

对于有传闻指他因为之前预告MIRROR或派几位成员赶去“叱咤”，惟最终全员皆无现身，不禁令人质疑陈志云“吹大咗”，并揣测他可能因而离任，森美就透露内情：“呢个传闻，以我喺度做咗咁多年嚟讲，‘讲大咗’呢个形容词，我谂你太睇小志云大师喺电台高层嘅地位，以佢呢个地位可以再讲大啲都得，好小事咋。不过以我所知，确实MIRROR管理层同我哋电台，我偷听过，中间倾过好多唔同version，会唔会嚟、点样嚟、系咪拍片、嚟几个……其实无停过讨论，大家都知道，‘我最喜爱’投票，佢哋确实真系好高票数，攞奖机会好大，但佢哋确实唔喺香港做紧佢哋嘅演唱会，以我所知翻来覆去好多唔同version希望可以做到最好，去到最后佢哋觉得呢个最好，当然我唔知当中取舍系咩，因此中间你话志云大师讲咗佢嚟或者唔嚟，都系佢哋中间倾过嘅方案，都唔出奇。”

伙Eric Kwok主持《唱钱》　森美挑战《Happy birthday》音准低过80%

另外森美除了主持电台节目，他与Eric Kwok合作的全新音乐比赛节目《唱钱》也即将播出。节目中会将广东歌融入游戏，并设有奖金，他预告节目有参加者“盲权打死老师父”，有素人妈咪、阿叔、师奶唱得比专业歌手还好，笑言自己都挑战过：“有！我挑战过，我用《Happy Birthday》，你哋唔好以为好鸡呀！Level 3㗎，唔好以为Level 1，唱极都唱唔准80%以上。”