容祖儿（Joey）、邓丽欣（Stephy）、MIRROR成员Ian陈卓贤、柯炜林、王丹妮、朱鉴然及胡子彤等昨日（16日）于铜锣湾出席品牌专门店开幕活动，以品牌时装及手袋配饰亮相，吸引现场数百粉丝围观。近日有传姜涛有意转投其他唱片公司，陈卓贤闻言即扮傻笑言：“转会？佢去踢英超？我冇听过㖞！同埋应该冇咁快完约。但如果佢去踢英超，我会恭喜佢！绝对会入场支持！”

陈卓贤搭飞机写半首结婚曲

早前陈卓贤到澳大利亚出席Yanny陈颖欣的婚礼，他透露前日（15日）才正式回港，并指婚礼上有不少难忘时刻：“好多㖞！最主要系大家好开心、好有爱！感动到飞返嚟嘅时候写咗只歌！幻想自己将来婚礼要播首咩歌，幻想紧、所以只系写咗半首！”陈卓贤因为出席Yanny婚礼获得灵感作新作，表示自己未有梦想中的婚礼：“冇人会另一半都未出现，就plan定自己wedding嘅……有啲奇怪嘅！即系一定要有烟花，仲要爆出嚟我个样！冇嘅，到时要问下另一半嘅意见。”Ian亦表示婚宴上有饮几杯并唱歌助兴：“我唱咗一啲开心、Sweet嘅歌，贺下一对新人。”

陈卓贤盼今年下半年开演唱会

至于新歌下半首完成时间，陈卓贤表示希望今年内面世：“唔剩系我结婚先啱用，我希望大家结婚都可以用呢只歌，继续写落去先啦！”并透露今年计划集中于音乐方面：“以我所知，现有会实行嘅计划就系音乐为主，拍戏拍剧暂时未知，可能将来会有。”表示2026年上半年工作忙碌，未有机会放假旅游；下半年则有意开演唱会：“大家睇返《Tears》Blu-ray嘅时候，都怀念返演唱会、想再睇Concert，收到大家嘅讯息，都系相当好嘅idea！”