容祖儿、邓丽欣、MIRROR成员陈卓贤、柯炜林、王丹妮、朱鉴然与胡子彤等昨日（16日）于铜锣湾出席品牌专门店开幕活动，以品牌时装及手袋配饰亮相，吸引现场数百粉丝围观。Will柯炜林即将再赴台湾为《大蒙》谢票，表示曾提议新作能在香港上映，但相关手续需要交由电影公司负责：“我希望可以啦，喺唔同地方畀大家睇《大蒙》！”

失落金马影帝毫不失落

柯炜林去年凭《大蒙》提名金马影帝但未有得奖，表示自己毫不失落：“我玩得几开心㖞！认真啲谂有啲Kam：因为见到凤小岳、张孝全，我谂起《女朋友男朋友》；又见到桂纶镁（主动派心？）唔系㖞，佢嗌我个名先，我系回应啫！不过个回应真心咗少少！”然而在台湾出席金马奖期间，被台媒追踪跟拍与家人行程，柯炜林表示：“有少少受宠若惊，大家最好都系唔好理我，我全家都偏低调，我系最高调嘅！”

从未被认错做许光汉：佢块面细好多！

柯炜林被台湾媒体及粉丝大赞似“许光汉+JYP（朴轸永）”的混合体，对于粉丝的看法，Will笑言：“大家觉得咪似啰！有化妆同冇化妆嘅分别！有化妆梗系似许光汉、冇化妆咪有才华啲啰！”柯炜林却表示从未在台湾被认错成许光汉，大赞对方更精致：“佢块面细好多，我有见过、真系巴掌脸，系我三分二！”

《世外》或推出音乐剧：因为音乐最能够治疗人心！

《世外》去年成为年度最卖座港产片，柯炜林表示未知会否有续作或成为系列，但透露：“我哋喺谢票嘅时候讨论过，会唔会做舞台剧呢？因为《世外》音乐剧感觉上几有幻想空间，因为音乐最能够治疗人心！”柯炜林表示近日亦尽力为舞台剧学习练声：“我有跟Vocal Coach，因为做完舞台剧发觉个projection（声音投射）可以再做好啲！所以揾返当时嘅教练学习练习。”笑言若是唱歌会更大压力！

柯炜林更新健康状况：我嘅存在就系身体健康！

柯炜林去年患上肺腺癌，谈到最近密集工作的身体状况，Will表示：“我觉得我嘅存在即系身体健康，大家见到我就知道有癌症其实可以好似我咁，做好多唔同嘅嘢。无论用咩态度面对，总之唔好逃避，有唔舒服就睇医生、做身体检查。”表示一直收到外界对他的关心与爱，希望大家对他讲身体健康同时自己亦要注意。柯炜林最后表示：“要直视自己嘅情绪，身心灵健康未来两年大家要好好守护！”