渣打香港马拉松2026于今日举行，有份跑10km的Mirror成员王智德 (Alton) 以49分09秒完成赛事。问到王智德是否满意今日的成绩，他说：“冲线时间几理想，49分钟，自己嘅目标都系4字头，要庆祝呀。（今朝有无食早餐？）都系一般跑手嘅准备，食下香蕉、面包，饮水，主要系淀粉质。（呢个系咪你最好成绩？）唔系我最好成绩，以前有跑开，上年忽发奇想跑返，之前嘅成绩都系4字头，𠮶时细个啲。我今日应该可以48分钟完成。”他又表示最初有几个Mirror的兄弟都想一起跑：“佢哋系有呢个谂法，但慢慢就得返我一个。（佢哋缩？）又唔好用个缩字。”

引用AK金句回应姜涛转会传闻

Alton称Mirror成员各有各忙，他自己也要拍剧。他笑言：“我寻日都瞓唔着，今日要回应姜涛转会事件，想跑快啲返嚟答你哋问题。我引用AK (Anson Kong 江𤒹生）嘅回应‘风穴来空’，江湖嘢用江湖去了解，有被讨论嘅价值系好事嚟。（一阵点庆祝？)返去要背剧本，听日要拍剧，希望大家多多支持下。”