现年81岁的资深演员高雄（原名何耀深），入行逾半世纪，1968年参加邵氏的特技训练班，由龙虎武师、替身、后转为演员，当年凭亚视剧集《精武门》饰演霍元甲一炮而红，之后演过无数经典作品，如TVB剧《盖世豪侠》的大理国国王“倪定山”、电影《审死官》的杨青等。高雄于1996年举家移居加拿大，近年主力在内地发展，鲜有在香港露面，日前他现身好友杨绍鸿的YouTube频道接受访问，罕有地大爆当年离开TVB的不愉快经历，坚拒回巢。另外，他更愤怒反击网络上疯传他的死讯及“假老婆”招摇撞骗事件。

曾获TVB高层邀请回巢：我话唔使！

2007年播出的《强剑》是高雄在TVB最后一部作品，节目中杨绍雄提到会否考虑回巢TVB，高雄态度非常决绝，他说：“冇啦，曾经有一次有一个高层打电话俾我，问我有冇兴趣返嚟玩吓，我话冇，佢话唔系呀，而家啲人事全部返新晒啦，我知我睇报纸都有睇到，但我话冇乜兴趣，佢话你唔使即刻答复我啦，俾几日你考虑吓，我话唔使我而家即刻答复你！”

签约一刻一年变两年

杨绍雄打趣问是否这位女高层仍然在职？高雄未有正面回应，只说：“唔开心嘅嘢过咗去就过去......我应该多谢𠮶个高层，因为如果唔系佢咁样玩咗我两年呢。”他回忆当时正准备到内地拍摄一部美国电视剧，时间匆忙下签约，却发现合约期由一年变两年，他自认是鳄鱼头老衬底，他说：“我话点解两年唔系一年？咁佢睇一睇，助手又睇一下睇，话可能打错咗啫，唔紧要啦，一年好两年好，大家都合作得咁耐，一样啫。”

心中质疑：冇一个角色啱呢个老人家？

结果两年都没有新工作安排，高雄忆述某年被邀请返TVB参与台庆节目，当时助手坐在他身旁，跟他说：“佢话唔好意思啊，因为呢段时间公司开嘅剧系冇一个角色啱你嘅，咁我心里面系乜嘢粗口都闹埋出嚟，因为如果系一个新入行嘅人，我系受理嘅，但系公司一年里面开咁多剧，冇一个角色啱呢个老人家？唔系主角嚟㗎㖞，你会记住㖞。跟住我话今日系台庆欢乐系日子，我哋唔好倾呢啲嘢，咁跟住两年后拜拜，我喺呢度多谢呢位高层人士，因为咁样反而令到我系无意中喺大陆杀出一条血路，我好多谢佢啰。”

传过两次死讯三次入急症室

近年网络常有“农场新闻”传出高雄死讯，“我死咗两次，有三次入咗急症室”，对此感到既可笑又气愤。他指早前回港前，又有新闻指他进了急症室：“我人仲喺温哥华，佢话香港我老婆仔女赶返嚟香港，赶住入去送我最后一程。佢有张相系我嘅，但系另外一张病床推入去急症室𠮶度，𠮶个唔系我嚟。”他表示不会采取法律行动，因为自己不懂，理应由政府找方法解决，直斥这些为搏流量新闻：“我好睇唔起呢啲嘢，我鄙视嘅”！

女武师借合照“认老婆” 高雄：出卖人格

另一件令高雄气愤的事，是一名内地女武师利用多年前在横店的一张普通合照，自称是他的“结发妻子”。对方更编造故事，指两人50、60年代在武汉一起习武。高雄驳斥内容离谱：“我系中山小榄嘅，佢系喺武汉练功，我系佢师兄。50、60年代中国，武汉喺边度我都未去过！我用小榄去武汉学武术，你家底一定好丰厚，穷鬼点去到呢？当时仲用紧饭票。”他指该名女子样貌端好且懂武术，不明白为何不靠实力：“你靠人哋个老婆（名义），你系咪出卖咗自己个人格呢？你出埋个人格，你嘅收益又有几多呢？”高雄透露，再过两年便打算正式退休。