雷颂德（Mark Lui）是著名作曲人当然众所周知，他的作品绝对有份帮黎明、许志安、陈慧琳、杨千嬅等巩固天王与天后地位，亦在千禧年代捧出卫兰、侧田、方力申、Cookies等新人；不过新一代未必知道，他本人当年也曾是乐坛新人，于1997年与冯德伦组成男子组合Dry，获得《1997年度十大劲歌金曲颁奖典礼》“最受欢迎新人奖铜奖”，不过出了三只碟便解散！

雷颂德想做Rockstar惨被Paco嫌唔够靓仔：你个样点搞呀？

虽然雷颂德已移民英国，但近日他就与冯德伦视讯合体，畅谈当年夹Band点滴，当初二人之所以被公司组队，原来是因为正东经理人黄柏高（Paco）嫌Mark Lui不够靓仔。他自爆：“𠮶时已经做咗一段时间，即系点呀？写歌监制𠮶方面已经有啲成绩，我同Paco讲，大佬你帮我圆梦吖，我想做Rockstar，畀我出碟夹band啦！佢跟住畀我个反应就系话‘哗……你个样呀？你个样点搞呀？’咁佢唔制㖞，佢话唔紧要，我揾啲靓仔返嚟。”他不讳言夹Band的靓仔是少见的，唯有靠朋友搭上搭，有位朋友指自己的朋友识弹结他，Mark Lui还问：“个样得唔得㗎？”对方话“得”，于是就撮合二人见面，冯德伦此时就说：“你冇理佢弹结他得唔得……”Mark Lui笑言：“唔需要理𠮶啲嘢啦，个样最紧要吖嘛！结他可以练㗎啫，唱歌可以练，个样生出嚟㗎嘛。”

雷颂德初见冯德伦一见钟情　冯德伦却说：根本唔识佢

Mark Lui直言自己见完冯德伦已“一见钟情”，没再想过找其他人，之后轮到冯德伦讲出自己的版本去补充，他指自己曾在“MTV”的香港分部做剪片实习生，工作内容“闷到抽筋”，故此暑假后便离开了，翌年他去兰桂坊饮酒，遇上昔日在“MTV”合作的Rita，于是上前打招呼，对方说恰巧有个朋友要找人夹Band，便帮Mark Lui和冯德伦联络上。冯德伦笑言：“𠮶时其实你已经系一个大监制、作曲家嚟㗎嘛，但系我根本就唔识，我根本都唔喺香港。”Mark回应：“我老婆都话唔知我系边个，喺外国𠮶啲人都唔识我。”

冯德伦打扮太随意　雷颂德：咁靓仔，希望唔系嚟送货

冯德伦忆述二人初次在正东唱片见面，当时自己都著得十分随意，只穿T恤：“我坐喺你Office，应该畀啲guest喺度等，我坐喺度戆居居周围望，我又唔知你咩样。有个人着得好Fashion嘅，咁就行过，我望一望，跟住我心谂‘会唔会系佢呢？冇理由㗎，监制点解会咁样嘅？’转个头你就褪返出嚟问‘你系咪Stephen呀？’跟住就叫我入房。”Mark Lui听到这里终于唤醒到尘封记忆：“我记得我话‘哗！掂呀！呢个Paco实肯签啊！’系咁嘅，我希望𠮶个系你，坐喺度𠮶个人咁靓仔，希望唔系嚟送货嘅，因为佢著到咁吖嘛。”

Paco想揾四个靓仔组队　雷颂德直言太高难度提议组二人组合

冯德伦续问对方何时才觉得自己的结他合格，可以组队，Mark Lui直言：“我记得你嚟咗我屋企，我住坚尼地城，好细个flat，你上咗嚟倾偈弹结他，我话‘呢个人都劲㖞，得！掂！’最紧要系个样呀老老实实，乐队一定要有个个样掂㗎嘛，跟住我同Paco讲我揾到一个喇㖞，但你叫我揾四个，四个都靓仔冇可能㖞，二人组合啦！”就是这样，Dry正式组队成功，冯德伦指整件事纯粹是为了帮雷颂德圆梦，对方向谓：“绝对都圆咗你个梦啦！”但冯德伦不讳言自己从没想过唱歌，纯粹是小时候喜欢弹结他，于是想夹Band，岂料最后被“昆”唱歌，幸好有Mark Lui帮手用后期执靓把声，总算“见得人”。