吴业坤日前与日籍爱妻一齐参加全马，之后再出席无线剧集《新闻女王2》庆功宴。他与王敏奕一齐做访问，谈起今次全马体验时，他指爱妻跑快了40分钟，王敏奕在旁笑谓：“佢自尊心受损，系连老婆嘅车尾灯都睇唔到！”坤哥快回应说：“只系见到车头灯！”搞到王敏奕一时反应不来，场面尴尬。

吴业坤今日（20/1）现身将军澳出席东港城第20届新春花展会“花开千骏迎新春”揭幕礼，就事件接受《香港01》访问时说：“其实呢啲平时朋友间嘅一啲无聊烂 gag，我哋好熟嘅，因为平时我哋现场成日都咁样玩嘅，咁所以就一时又唔记得前面有机影住，就变成咁样。不过我又唔系特登讲一啲下流意识嘅东西，呢知做呢行都好钟意食字。”

被问到太太有否追问“车头灯”是什么意思？吴业坤表示：“佢有问呀，而我有好详细咁解释俾佢知，我有介绍返话俾佢知呢啲就系香港嘅烂gag，佢都冇嘢，佢就叫我下次就唔好讲烂 gag啦。（佢有冇觉觉得香港嘅文化‘车头灯’嘅意思好得意？）佢又冇话好得意，佢只好唔明啫，而我又冇解释得太详细俾佢听啦，呢啲系要自己意会，其实可能我真系讲紧盏灯呢，其实唔系讲其他嘢呢。”