无线今日（21/1）于电视城举行“长期服务暨杰出员工荣誉大奖颁奖典礼2025”。邓伊婷获颁发10年服服奖，她接受《香港01》访问时表示：“我完全冇谂过会攞呢个奖，经理人通知我嘅时候我都唔敢相信，因为我完全冇印象我入咗公司啦10年。”

邓伊婷续：“其实呢个奖项，亦系一个对我好好嘅提醒，要好好为自己打算一吓，因为我份人都几佛系，一开始都有得拍嘢就拍嘢，冇得拍就有佢，个人冇乜目标。咁我今次攞呢个 10年金牌之后，我就俾咗自己一个目标，我就系希望我嚟紧会有提名可以出席颁奖典礼。”

被问到如何争取机会？邓伊婷表示：“因为我之前合作开嘅监制好多都退咗休，而家呢啲监制我就唔太熟。所以重新认识。都会谂住再主动去敲门。不过其实之前我喺公司有挫折试过敲门，曾经试过敲门被无视。𠮶次一推开门准备介绍自己，个男监制就即刻讲佢唔得闲，𠮶吓我系有啲唔开心，系有啲打击嘅。不过上去前我系预咗可能会有咁嘅情形出现。事后我都会谂可能人哋真系好忙呢。”