阮浩棕日前参加《渣打马拉松2026》，同样有份参加赛事的何沛珈在社交网分享多张渣马当日的花絮照，在大合照中有网民留言“啱啱睇到发哥后面原来有邓兆尊。”随即引发网上热议，有网民笑言“而家先知，原来二人系失散多年嘅亲兄弟”。

阮浩棕今日（23/1）现身电视城出席《丙午年吉星高照年初一》录影时，就事件接受《香港01》访问时表示：“首先好多谢网民，因为网民突然之间会有呢个感觉，但系对于我嚟讲，最重要嘅就系大家开心，我觉得一来我觉得如果可以似到邓兆尊先生，假如有佢咁嘅身家，我觉得真系会非常开心。”

被问到二人是否两兄弟？阮浩棕笑言：“咁又唔会，血脉都系清晰嘅。（自己觉得似唔似呢？）以前拍剧，有另一位前辈就同我讲，你成个新马仔咁嘅样，练返《万恶淫为首》就劲。我真系冇谂过过咗 10年之后就会俾人觉得我似邓兆尊先生，咁所以都几得意。”