《东张女神》邓凯文今日（23/1）现身电视城古装街出席《丙午年吉星高照年初一》录影。邓凯文接受《香港01》访问时表示：“今次系我第一次做MC真系好开心，多谢公司监制俾机会我去做呢一个MC，亦系一个非常之新嘅尝试，同埋有好多前辈喺度可以跟佢哋学习。”

提到要同阿姐汪明荃做主持会否有压力？邓凯文表示：“其实阿姐系好好人，系因为头先喺服装间见到阿姐，阿姐问我系咪都去古装街，我话系呀，然后阿姐就叫埋我一齐上车过去古装街，我觉得好weet，阿姐真系好好人，佢可能惊冻亲我，所以叫埋我上车。”

邓凯文续指每年过新年都会穿新衣及新内衣裤：“我觉得年初一一定要红啦 ，因为大红大紫嘛，而每一年都会买定同埋都会有啲存货，因为新年著新衫系好事，同埋最重要系行花市，去行个大运。”