天后郑秀文（Sammi）一向是时尚界宠儿，今日（23日）她现身中环出席时尚品牌活动，双手穿戴着橙色手套，头戴黑色发箍，时尚度爆灯。郑秀文在接受访问时，提到即将在吉隆坡开演唱会，会否趁是次时尚活动触动灵感，用于演唱会服装上，她就表示：“因为每个地方有唔同嘅规例，去到马来西亚可能衣服上就要保守返少少。（今次演唱会啲衫全部会改？）唔会全部改晒，但系都系希望尽量原汁原味搬去𠮶边，今次整个团队都有二百几人一齐过去，所以都好希望做到能够将最好规格搬去𠮶边。（歌单上有冇更改？）基本上冇，都系原汁原味，因为我觉得呢个rundown都系我自己都非常之满意，揾唔到啲咩地方要修改。”并指目前在吉隆坡只开两场演唱会，不会再加场。

郑秀文将在吉隆坡开演唱会

对于《You ＆Mi郑秀文吉隆坡演唱会2026》门票一开售就售罄，郑秀文都大表开心，并透露有粉丝希望她能在新加坡开唱，但因场地问题所以难以成事：“揾唔到啱嘅场地，揾到啱嘅场地啲期又爆晒，所以暂时就安排唔到新加坡呢一站。”续问到会不会最终在香港开唱成最终站，她就表示：“我再谂吓。（可以去启德开？）都系一个好嘅建议，如果能够喺启德做呢个演唱会好似一个亚洲嘅终章篇都几圆满。”

郑秀文会因应身体状况调适做运动

另提到较早前她因运动而弄伤腰部，对此她就表示已痊愈，并认为如觉得身体疲累就会给自己作休养：“而家同三、四十岁嘅运动方法有啲唔同，（一个礼拜做几多次？）我谂都几次嘅，不过就睇住个身体状况去调适，以前就真系唔识停做运动嘅时候，而家比较平衡啲。”

即将为电影《夜王》忙宣传

最后，提到主演电影《夜王》即将上映，郑秀文就透露要开始准备宣传，并表示已在社交平台陆续上贴电影《夜王》不同演员的脸孔，而此举是想让更多人认识香港的演员：“我希望其实一套电影嘅意义，除咗自己演出，我觉得而家对于我嚟讲觉得通过一部电影或者一个job里面，可以让更多人可以认识新嘅脸孔，对我嚟讲系一个更重要嘅意义。”她更大赞这班演员的演出非常之好。而对于在《夜王》中的廖子妤近日凭电影《像我这样的爱情》夺得“第32届香港电影评论学会大奖”影后殊荣，她亦表示已向对方作出祝贺：“即刻send咗message畀佢，我哋前几日拍嘢都有见到，好戥佢开心。”