王祖蓝近日接受查小欣网台节目《红查馆》访问，他于2021年获师父曾志伟邀担任TVB曾席创意官，翌年离任，有指导火线为山头文化，以及无法协助好友钟嘉欣夺得视后，他在访问中亲自回应。

认同曾志伟山头文化论　指有人地方便有党派：话冇就呃你

曾志伟月初卸任TVB总经理一职后，接受《一周星星》主持黎芷珊访问时，坦言自己对解决公司内部“山头文化”表现为0分。他解释电视台内部人事关系错综复杂，要彻底铲除根深蒂固的山头文化实在太难：“因为太难，我最唔想嘥时间去搞呢啲。人事太难去解决，你杯葛我、我又杯葛你，与其花时间喺呢啲斗争上面，不如做好啲节目算。”

而查小欣问王祖蓝当年是否深深感受到山头文化，他也不讳言：“话冇就呃你啦，边间公司都系，你有人嘅地方就有㗎啦，你几千人，总之多过两个人就一定会分党派，二对一嘛。”当讲到如何处理，祖蓝先巧妙地转移视线，分享在北京面对山头文化的经验：“我喺北京嘅时候我系选择唔处理，因为我哋应该系揾人帮我处理，艺人点会处理呢啲嘢？所以我partner就帮我搞掂晒所有内地娱乐圈嘅人物关系，几个平台之间嘅利益关系，点样去平衡，你要揾人去负责，你做管理嘅时候，一个攻一个守，有个主席、有个总理，总统都有个外交啦，又要有内政，大家分工好明细。”

查小欣续问，他在TVB做高层时哪有这么多人手可以分工，祖蓝回应：“我嘅强项我自己都知道，内务管理我知，但系我唔会系最精细，因为我唔系行政出身，但系相信我项目组织嘅能力系最高。（查小欣：所以你唔怕山头文化？）我会组织啰，但系应该有人帮我去处理啲山头，但系都冇，所以就难，会有呢个困难喺度。”

否认因钟嘉欣失视后而离任　自嘲处理人事不才：等啲有志之士返去做

《万千星辉颁奖典礼2021》上，钟嘉欣原本是视后大热，她更应祖蓝邀请，特意从加拿大搭长途机回港出席典礼，似乎志在必得，岂料最终由林夏薇夺得视后，网民皆认为是大热倒灶，指钟嘉欣才是真正民选视后。有指祖蓝因此事自觉愧对嘉欣，继而离开TVB，王祖蓝表示：“又冇，首先管理层内部讨论系高度机密，唔可以讲到咁乜嘢嘅，但系当初邀请佢都系因为好朋友，佢好畀面，当然佢《星空下的仁医》当年反应都好好，对外呼声都相当之高，但系你话最终大家点样决定，投票又好点都好，唔会因为一件事（离开）。（查小欣：即系你讲你离开TVB唔系因为一件事？）我唔做𠮶个位啦，我只可以咁讲，我又唔系离开，我而家都有返去帮手，只不过我觉得处理人事都系一种才能，我冇喺𠮶个地方处理人事嘅能力，都系我不才。所以我发觉原来我冇呢个能力，都系等啲有志之士，有才嘅人返去做。”

内地签过百艺人　揭易捧过港星原因

访问中祖蓝也分享近年在内地的生意，他透露时代变得快，表演艺术大受打击，自己专注经营文化产业，他透露在内地签了过百个艺人，坦言比捧香港艺人简单：“成个香港影视呢段时间，日日新闻都系讲紧戏院执几多，又唔系开好多部戏，电视剧又唔系开好多，你作品都萎缩，人点签？”因此艺人想成名，必须放眼整个华人世界，除内地观众外，也包括海外华人、马来西亚市场。他亦提到有一定知名度的港星，未必愿意放下身段：“佢喺香港已经有咁上下嘅知名度，但系佢可唔可以放低身段，你知道你自己喺内地系新人，呢件事好难。或者佢喺港剧系好红，但系睇港剧系一班人，如果你想喺其他地方再去多啲唔同地方，你要好谦卑咁周围跑，你要知道你嘅价唔一定去到咁高，有好多嘢你好难同佢解释，如果过唔到呢关嘅时候，佢本身已经建立咗一啲嘢嘅时候，佢好难去转型。但系如果你系好新嘅新人，咁内地而家有其实好多，我签内地𠮶啲，见100个里面拣10个出嚟，喺内地已经有好专业嘅戏剧训练、偶像训练、流行曲训练，（香港新人）但系呢度就难咗。”

北上发展靠曾志伟锦囊成功：你一定要谦虚

王祖蓝认为，新生代如曾比特、炎明熹之前北上参加《声生不息》节目都有很大回响，惜未能延续声势：“可能香港嘅娱乐圈运作佢冇延续，唔明内地𠮶套点样，𠮶一排好红，但系就冇人继续帮你经营，就会淡。”查小欣续问以上心得是否从自己经验得来，祖蓝表示：“呢个系经卸任嘅志伟哥（曾志伟）嘅经验，𠮶阵时佢仲系师父、奖门人，咪系总经理，当然有咩事都系揾佢先。我话我准备去拍《百万大茄秀》，我问佢，佢话第一个锦囊就系要谦虚，唔好再话香港人上到去觉得呢啲唔好笑嘅、我哋香港做过啦……你一定要问点解佢哋会笑呢样嘢，因为你系为佢哋做，佢畀我嘅第一个咁囊就系‘你一定要谦虚’，但系呢个锦囊上去之后一路用到而家，佢嘅锦囊真系非常锦囊。”

自知作品易过时拓展饮食生意　为女儿交不到朋友回港定居

此外，祖蓝亦发展饮食生意，推出腊肠、月饼、酱料、曲奇等等，自嘲不够靓仔，局住要“多瓣数”，又自知作品好快过时，只能靠求生欲强取胜，不讳言从商交了不少学费；他指自己疫情期间定居内地，费事“打游击”，不过之后决定回港定居，他解释因为两个女儿交不到朋友：“疫情𠮶段时间，呢度有疫情，我本来要喺第二个省，成日走来走去，小朋友交唔到朋友，佢好似慢慢对朋友冇咗期望，觉得费事咁熟啦，熟啲一阵间又走。佢哋未必识得语言上咁样表达，但系我感觉到系，返嚟香港第一年，都唔系好交到朋友，因为佢插班呀，但系第二年就好啲，会话‘爸爸！我今日有五个朋友呀！’我就见佢慢慢有啲朋友，建立返个稳定嘅社交圈子，咁我都觉得好好，如果唔系我就愧疚，因为佢以前系周围走㗎。”