Tyson Yoshi新歌《1994 前传》《追 CHASING THE WIND》微电影昨晚（28日）举行首映礼，获不少圈中好友撑场，除主演张文杰、游学修、归绰峣（Nancy Kwai）、朱鉴然、林子峰外，亦有冯德伦、张继聪、邱彦筒、胡子彤、吴肇轩、杨乐文、岑珈其、陈苡臻、程人富、Teddy Fan等。

朱鉴然教TY演喊戏秘技　Nancy靠睇动物片一秒爆喊

说回《1994 前传》《追 CHASING THE WIND》新歌微电影，Tyson与导演何图、女主角Nancy Kwai受访，Tyson说睇首映时都好感动，差点落泪。微电影中他有爆喊情节，演戏经验不多的他说好彩有朱鉴然教路：“一开始我担心嘅，但系朱鉴然教我点样喊，我就喊到喇，就系死都唔眨眼，望住一个点，只眼好干就会飙眼水，你就会几嘢就喊到出嚟。”他更指女主角Nancy好劲，一分钟内喊得出，Nancy分享自家独门秘技：“我系有啲片储定系喺电话入面，𠮶啲片好Touch到我，一拎出嚟已经喊。”Tyson都有偷睇对方电话片段，原来是小动物的生离死别，但未足以喊。

Nancy片中罕以黑发亮相　TY指是经ChatGPT建议

Tyson说之前工作上接触过Nancy，觉得她非常搞笑和纯品，已铁定下部作品要找她。一直以金发示人的Nancy，戏中罕有以黑发亮相，Tyson指定一定要黑发才够说服力：“我嘅idea嚟，我一路上网做research ，问埋ChatGPT，掉咗佢张相入去，我话80年代嘅亚洲人，当时有冇呢个技术可以漂到个头系咁嘅色？佢话系冇嘅，咁我就大镬，因为有啲位我好执着，后尾⋯⋯”Nancy此时自爆，原来是戴假发，并没染黑。

借位锡Nancy拒坚咀　Tyson否认怕老婆嬲：系我唔钟意咀佢

Nancy在片中与Tyson是情侣及游学修的妹妹，讲到与Tyson的咀戏，Tyson表示：“冇嘴到落去，借位咋！”问导演何图这样就收货？Tyson即回应：“够喇！我都系导演嚟㗎，尊重啦，我有权话事！”他更强调：“我唔钟意咀落佢度。”问到是否怕老婆Christy嬲，他振夫纲：“未惊过！系我唔钟意！”他否认嫌弃Nancy，又耍冧：“对唔住，我唔钟意咀你。”而Nancy对于咀戏毫不紧张，笑言：“其实都还好，个借位真系好借位，唔系好近㗎咋其实。”

Nancy惨情结局被吊半空两小时　竟兴奋多过惊

与上次《1994》一样，今次好多动作场面，女主角都冇好下场，今次Nancy又中枪又飞车又被吊起，她对揽住Tyson飞车好兴奋，直指是第一次，由听到故事那刻起兴奋到拍摄当日。讲到在片中被吊在半空，前后竟吊了两小时，何图即说：“断断续续，有放返落嚟嘅！”Nancy指自己平时爱玩海盗船、跳楼机，加上有指导，所以不算惊，还觉得几刺激。

烧150万制作费笑言破产　欠导演尾数吁Fans课金买海报

动作场面多，当然成本都高，上次用了“一球”，Tyson透露今次更揼本：“球半！（150万）”他表示：“今次拍系贵过上次，但系断分钟计系平过上次，因为片场长咗，断分钟计系平啲，咁样谂会舒服啲。”宣传明信片上写住“破产啦”三字，他笑言差不多，还欠何图一半尾数未找，找完应该破产，呼吁Fans：“钟意就买张poster同听我嘅歌支持吓，拍咁大坛嘢都系免费睇，大家钟意就睇多转，或者听首歌，最主要就系听首歌支持我。”讲到他还想再出相关漫画和电影，岂非要再烧钱？他表示：“漫画都OK嘅，漫画爆炸都系喺漫画爆炸。我偏好港漫，同阿图唞埋新年后就要开始搞埋啲嘢。”

被反派张文杰怒掴　Tyson大赞舒服：红都冇红

此外，张文杰（German）在微电影中饰演反派，更要掌掴Tyson，但在活动上二人则“Gay味浓”，对望扮凶狠，最终竟忍不住笑，又作状要咀嘴。讲到被German掌掴的感受，Tyson竟表示：“好舒服，German真系好劲！佢唔系大力，真系唔知点解我连红都冇红到，俾佢掴咗四次定五次，做到个反应，但系又唔痛，真系唔痛！佢真系食过夜粥，真系有分别。”

避谈“响喉L”余波　拒评KOL骂战：唔讲啦

此外，Tyson Yoshi早前的“响喉L”事件余波未了，他剪辑KOL“Hera Chung”怒斥“响喉X”的影片，又同时晒爱车响喉片段，串爆发文：“Sorry啰”，“引战”味浓！不过最终事件峰回路转，Hera Chung与Tyson Yoshi及后竟同框拍片，宣传《1994 前传》《追 CHASING THE WIND》，令全网“炒车”！不过事件令部份网民反感，Tyson日前于演唱会《TYSON YOSHI THE VILLAIN LIVE IN MACAO》骚后访问中，坦承因微电影与车有关才有这个念头，未料网民反应与预期有出入，唯有“经一事长一智”，以后谂清楚才做。他又透露原本与Hera Chung并不相识，见仅在事件发酵后，才商议合作拍摄第二条片，并重申：“我绝对支持玩车，我自己都系玩车，但系影响到人就唔好啦。”然而事件余波未了，更引发KOL占皮与“何文田金冬天”的网络大战，双方互揭疮疤。

Tyson Yoshi为“响喉X”事件解画　与Hera不认识：经一事长一智

Tyson Yoshi“响喉”引发KOL大混战　双方互揭黑历史更约战直播见

在昨晚（28日）首映访问尾声，谈到会否怕事件影响微电影反应，Tyson说：“唔知㖞，应该唔会啩，你唔问咪冇事啰，你问咗咪可能会啰。”被问有否邀请Hera来首映捧场，虽然他赶住做其他访问，但仍大方说：“佢唔喺香港。”至于有否再留意占皮及何文田金冬天争论，他只表示：“唉，唔讲啦，演唱会回应咗，今次唔讲啦。”