Tyson Yoshi新歌《1994 前传》《追 CHASING THE WIND》微电影昨晚（28日）举行首映礼，获不少圈中好友参与演出及撑场，主演的张文杰（German）、游学修及林子峰（Stone）在活动上受访，游学修学王嘉尔叫Tyson做Tyson老师，笑称：“多谢Tyson老师畀咗咁重戏份我，反而有得唞吓，佢哋飞车我就可以休息，因为𠮶几日拍嘅时候病咗，再加仲要剪片，所以有得唞吓，再加都叫做有得发挥，好多谢佢。”片中归绰峣（Nancy）饰演游学修妹妹，并恋上古惑仔Tyson，游学修表示：“有个好靓嘅阿妹，阿妹都乖嘅，几好嘅，生性嘅，但系跟咗啲衰人。”

游学修抱病加肌肉量输蚀　抱唔起Nancy：佢哋想继续NG都冇

片中Tyson、German、周殷廷三位要角都是肌肉型，但游学修未有因而感压力，自嘲：“好明显我唔系呢个路线，佢哋身材好系佢哋嘅事，因为后面我要抱起Nancy，𠮶场其实我净系拍咗……佢哋想继续NG，我同佢讲冇㗎喇，我只手搞唔掂，一出镜我就放低。虽然Nancy好轻，真系好轻，非常轻，但我真系唔系好舒服，好病，同埋啲肌肉同佢哋个量系有少少差距，所以真系抱唔到喇，要咗第四Take。”他直言平时好少有这些抱靓女的机会，German即笑指：“不如抱我！”游学修反指应该调返转由German抱自己。

张文杰本色演出做大佬　真掴Tyson一Take过：惊打晕佢

German于片中饰演反派大佬Tony，他透露自己收到指示只需“做返自己”：“佢哋揾我都系想做大佬级，令佢哋有压力嘅角色，希望做到呢个效果。”有一幕他要掌掴Tyson，他表示是一Take过拍摄：“当然我哋拍完一take过之后，有几个镜头，𠮶啲就难啲，系用力就其实都系一下过。唔得㗎，唔可以冚太多，冚太多块面会红晒，之后拍唔到。（惊冚老板下次冇你份？）我对自己只手有啲信心，我谂我应该打佢唔晕！”

Stone获封片场MVP　自爆拍Tyson胸肌当福利

至于Stone，Tyson就激赞他是今次计划的MVP，除了演得好，更教他如何摆机位及演戏，帮他很多，难怪是“石经理”，Stone听罢就谦称：“真系冇！真系冇！纯粹同大家好开心地share，因为佢有好多打戏，我惊打亲佢，我发现原来佢真系好大只，打极都唔痛，所以好放心可以同佢玩。同埋真系好开心，多谢佢邀请，中间个过程唔知系咪熟络咗之后，大家拍戏嘅过程同气氛超好，同埋会唔舍得。”他又笑言拍Tyson胸肌是今次合作的福利之一，感谢对方邀请，另外都有“不小心”拍吓German。

包剪揼魔王再出山接受挑战　下月搞千人大赛同全港决斗

Stone自从在《墨鱼游戏》中成为“包剪揼魔王”后，常常被不同人挑机猜包剪揼，而该节目导演Casper就成立了另一个平台“一齐玩”，宣布将于下月举行“第一届全港千人包剪揼大赛”，让全港市民与他决斗；Stone预告之后还有另外两个游戏，叫大家期待。

跟JFFT去蒙古冻过雪柜　游学修卸老板包袱后一身轻

早前游学修跟JFFT去“军训”，抵达机场时才得悉目的地为摄氏负40度的蒙古首都乌兰巴托，被问有冇冻亲，他说：“冻亲又未至于，都着得够衫。我本身以为去日本，因为佢哋有同我讲话会去啲冻嘅地方，我谂住去日本啦应该都系，几度啫，点知去啲负40度嘅地方，我都未体验过，冻过雪柜，都系几神奇嘅体验！”有网民说游学修在JFFT的片中“笑得像个孩子”，似乎不用做YouTube Channel老板后，无需再顾拍摄、流量，比以前一身轻，他直认：“都有少少影响，少咗啲嘢谂先，责任都少咗啲，因为米爷本身邀请我都系话叫我去放松吓，所以都好多谢佢。”