前港姐冠军陈庭欣（Toby）人美心善，今日（31日）现身南华体育会出席慈善活动，热爱打匹克球的她更即场献技，相当精彩，在接受媒体访问时，更自爆基本上一个礼拜打四、五次，还厉害到去深圳考教练牌：“下个礼拜就去考教练牌，希望会成功。我考之余，我亦都捉埋关楚耀一齐考，点不知关楚耀又捉埋佢老婆一齐考，所以我哋一行五、六人上去考教练牌。”

林盛斌言出必行

陈庭欣去年底宣布与“十亿男友”杨振源（Benny）分手，她在接受访问时曾表示与对方三观不合，问到到底是那三观时，她就表示：“唔讲啦，我都希望有一啲嘢系留返畀自己同佢嘅，同埋有啲嘢过去咗就放低佢，Move on。”而提到圈中媒人林盛斌（Bob）曾公开扬言要为她找到一个Mr. Right，原来果真在进行中，她表示：“佢上个礼拜send畀我话‘喂得唔得闲呀，呢个几好㖞，约出嚟食饭啦！’我都好多谢佢，我话‘有时间都可以识个朋友’，但其他嘢冇特别去谂得多，但阿Bob真系言出必行。”（𠮶个人咩行业，收入点？）未知，未约到个日期见。”表示可能过完新年之后再约。

陈庭欣谈择偶条件

同“十亿男友”杨振源拍拖八年，外界总会以“想嫁入豪门”来形容她，问到将来另一半没有十亿身家行不行时，她就二话不说：“我又要再重复讲，佢本身都冇十亿，解释咗好多次，都冇人听我讲，所以𠮶个数字唔系一个择偶嘅条件。（将来另一半穷过你得唔得呀？）冇话穷唔穷㖞，其实要揾一个真系能够去沟通啰，如果你话我真系要加少少嘅要求或条件，我希望佢系会钟意小动物。（需唔需要打匹克球？）都好㖞。（如果系普通打工仔？）我冇谂咁远，（有冇机会同翟威廉再续前缘？）我同佢仲keep住系好好嘅朋友。（同前男友唔会变仇人？）我一定唔会，我觉得冇需要变仇人。”

不介意外界闲言闲语

拍拖八年始终未能开花结果，有不少网民嘲讽陈庭欣“豪门梦碎”，甚至指她是浪费青春，对此，她就有自己看法：“其实我觉得冇话咁计，一段感情唔可以用八年或八个月十八年咁样计。所以我觉得如果有一刻我哋双方面都决定咗或者咁样有唔同谂法，我觉得咁样仲好。（之前你入马场，有网民话你钓金龟婿，介唔介意？）我唔介意，认识我嘅朋友都知道我系好贴地嘅，冇办法去解释咁多嘢。”另问到38岁会不会考虑去冻卵，她表示：“唔会呀，最紧要揾到真正爱你嘅人。”认为年龄不是一个问题。