刚在东莞完成《show up 音乐会》的方力申（Alex)，今（31）就现身南华体育会出席慈善活动，还即场与另一嘉宾陈庭欣打匹克球，玩得不亦乐乎。而自从女儿lsla 出世后，他就变成晒B狂魔，所以在接受媒体访问时他就扬言：“已经收敛咗，我本来想日日post，但我太太唔畀，佢琴日先至讲话post到三岁就唔好再post。”表示要保护小朋友。续问到女儿像谁时，他说：“佢擘大眼就似太太多，瞌埋眼或者佢好忟嘅时候，佢个样就似我多啲。”

坦承因长子身份想生儿子
方力申早前曾公开表示要生多几个，问到甚么时候时，他表明越快越好：“其实我就想快，越快越好嘅，我都唔细年纪，（系唔系一定要追到仔为止？）唔系，冇谂㗎！生多个之后可能会谂，因为始终我系长子，我唔系好传统但系又几传统，所以希望可以追番个仔嘅。”但强调自己是喜欢女儿的。

小学倾向选择传统学校

而对于太太Maple(叶萱）生完小朋友后，短期内火速收身成功，他就表示太太主要喂人奶及有扎肚维持身型，再加上带小孩子睡眠时间少，也是很辛苦的。当提到近日郑嘉颖指后悔让儿子读国际学校，一个中文字都不认识的新闻时，他就扬言太太Maple有留意该新闻，而二人亦就小孩子将来教育问题有作讨论：“其实我哋都有谂，我同我中学嘅老师都好熟，佢同我讲过话千祈唔好一开始就行国际，佢系我中文老师。其实我自己都有咁谂，因为中文系好难学，所以我暂时嘅目标都系希望，可能佢到小学都系拣传统嘅学校。”并笑言会在家与女儿讲多国语言，因为自己父母会讲普通话，太太Maple会讲英文及韩文，而自己就会讲广东话。

女儿脚头好获红馆批文开个唱

另提到在近日音乐会上，邀请傅颖（现名为傅宝谊）担任嘉宾合唱《自欺欺人》掀起不少回忆杀，他直言因为每次唱这首歌反应都很好，所以就决定联络傅颖。他亦坦承二人真的已有多年没有联：“10几年里面，可能有几次有联络。”续提到喜事连连，今年会在红馆开演唱会一事，他坦承确有其事：“我都好兴奋，我谂都系我个女脚头好，其实我一路都有申请场地，一路都冇批过，但系当我公布咗有囡囡嘅时候，咁就批啦，所以我觉得我个女都系畀到我好大嘅运气。（会唔会尝试联络邓丽欣做嘉宾？）你都知不嬲都系神秘㗎嘛，神秘嘉宾嚟㗎嘛，到时先会知道有啲咩嘉宾。”