现年51岁的洪天明，多年来身形一直保持得相当理想。今日（1日）他出席健身店开幕礼时接受传媒访问，大谈其健身心得。洪天明忆述自己在 20 多岁时最为“疯狂”，当时若不用开工，一星期可健身 5 至 7 天，每次在健身室逗留长达 5 小时。

洪天明“操爆”邓兆尊搞到“举唔起”

洪天明更分享了一段年轻时去健身室的趣闻，他透露当初与邓兆尊合作拍摄《烈火雄心》时，对方曾主动要求一起健身以应付消防员角色。天明笑言当时对他进行“地狱式特训”，结果邓兆尊练完后手软到连衫都脱不到：“佢嚟咗一日之后就唔肯嚟，因为佢第一日畀我push得太犀利，真系唔系讲笑㖞，佢做完之后入更衣室冲凉，只手系擡唔起！佢衫都除唔到啊！佢要喺厕所（问）𠮶个阿叔：‘阿叔可唔可以帮我除衫啊？’要帮佢除件衫，跟住挤洗头水呢，挤完之后手摆唔到上头，跟住第二日就唔见咗佢啦！”被洪天明“操”得太厉害后，结果邓兆尊从此便在健身室“消声匿迹”。

邓兆尊推哑铃洪天明行开被笑“𥄫女”

但原来令到邓兆尊怕怕的幕后推手还是洪天明，他被问到当时邓兆尊做了什么而令“手都举唔起”时，他指当时是自己走开了：“佢推哑铃，推吓推吓之后，应该有人喺后面扶住佢啊嘛！咁我扶佢两吓之后我走开咗，咁佢话推到冇人救佢，就变咗要佢攞个铁饼要侧一边，咁两条铁跌咗落地下先再起返身。”至于洪天明当时为何会走开？他笑指：“佢（邓兆尊）话我𥄫女㖞！”洪天明语带心虚续说：“应该唔系嘅！”

洪金宝见到两名孙子就“无符”

虽然洪天明忙于工作与健身，但洪天明的心始终围绕著家庭。他感叹小朋友成长得很快，所以会尽量争取时间陪伴两个儿子。洪天明更笑称两兄弟是家中的“金牌”，就连平日威严十足的爸爸洪金宝，只要见到两名孙子就“无符”：“佢以前都唔做呢啲嘢，你知我老窦好cool㗎嘛，即系你叫佢做咩佢都话唔做啦。咁我哋同佢话做完你之后可以睇返，佢嘅电话里面都系两个孙仔，由细到大嘅相，得闲攞返出嚟睇佢好开心。”洪金宝甚至会亲自去买东西送给他们，对两位孙子“言听计从”，他们说甚么都应承，所以洪天明有甚么都叫孙子出马：“叫两个孙出马，‘爷爷可唔可以啊？’就搞掂！爷爷乜都肯做，所以呢两个系屋企嘅金牌。”这份温馨的爷孙情，亦是洪天明目前最珍惜的时光。