卢颂恩自爆曾登红馆做左麟右李伴舞 出道时被森美改花名叫龟仙人
撰文： 薯条
出版：更新：
由卢颂恩（妹头）和李尚正（阿正）主持的HOY TV皇牌节目《卧底旅行团》大受欢迎，更荣获LINE TODAY年度大奖“Golden BROWN Awards”，两位合作无间甚有默契，不过我哋嘅主持阿Sa揾来妹头独自做专访，妹头表示没有阿正在身边，有点不习惯，更分享咗对付阿正嘅秘诀。
主持揾来阿Sa卢颂恩（妹头）独自做专访。（公关提供）
和李尚正斗“放飞自我”
妹头笑说：“其实冇佢喺度都几好㖞！讲笑啫！佢根本就系一个小朋友，我哋合作咗咁耐，知道佢嘅脾性，我都会投其所好，佢系一个好跳脱嘅人，而家仲越嚟越估佢唔到！越嚟越放飞自我，但系我同佢嘅相处就好随心，少咗好多紧张嘅感觉，佢放飞自我，我又放飞啰！斗飞呀！哈哈！”
卢颂恩自爆和李尚正主持时斗“放飞自我”。（ig@aiyanalo）
与林颖彤识于微时
当年电台选秀出生的妹头和同界的林颖彤早前一起拍摄Hoytv的剧集“我家有囍事”，妹头笑言感觉很奇妙：“大家识于微时，好似十几年之后再重逢，对方仲好似比以前更后生，keep得好好！点解自己就唔同一样呢！咁而家我哋仲喺呢个圈里面，就有一种安全感啰！”
妹头与林颖彤识于微时，早前一起拍摄Hoytv的剧集“我家有囍事”。（ig@bella_lam）
卢颂恩“花名”
讲到妹头有很多暱称，其中一个叫做龟仙人！原来和森美有关：“因为当年开咪嘅时候，要有一个比较容易令人记得嘅名，而我嘅英文名叫做Grace，森美大哥就话不如就叫做龟仙人啦！而妹头呢个名就系因为我喺新城开咪嘅时候，范振锋话我都要一个名，就叫妹头啦！咁我自己都几钟意，咁咪用到依家啰！”
卢颂恩曾被森美起花名叫“龟仙人”。（公关提供）
曾登红馆任“左麟右李”伴舞
对于当年做过演唱会dancer，妹头就坦然比较满意依家现在的工作：“细个时因为去舞蹈学校学跳舞，所以最后有机会去到红馆，参与左麟右李演唱会，其实睇返依家可以做到自己钟意嘅工作同节目，已经好幸福好满足，唔需要界定成唔成功，因为享受，投入，钟意先至系最重要！”
卢颂恩曾登红馆任“左麟右李”演唱会伴舞。（J2《十人巷》片段）