日前（1/2）两位男神洪天明和森美现身屯门出席健身中心新店开张，同场嘉宾包括邓智坚、潘绍聪、曾锦燊及香港首个体操亚运金牌得主石伟雄等，典礼更有舞龙舞狮助兴，寓意新店生意兴隆、鸿图大展！

未来条路自己拣

洪天明表示，从小到大都热爱运动，一直有健身以确保健康，同时他亦以身作则，督促两名儿子勤做运动，天明说：“13岁大仔（洪大仁）钟意运动，最爱踢足球；10岁半细仔（洪竟稀）比较文静，我都有鼓励佢尽量拣自己钟意嘅运动，佢话钟意体操，当然冇问题，总之有运动就得！”虽然细仔个性偏静，但反而喜欢唱歌，更渴望出镜，对幕前兴趣极浓，天明笑言：“有时叫细仔帮我拍啲短视频，佢问我有冇对白，上年我喺横店拍戏，佢都有客串一个角色，我觉得无所谓，譬如学校有表演，对佢以后可能做经理、CEO，开会都有帮助，正如我想做演员，老窦都支持唔干预，未来条路自己拣，最紧要有一定学业基础，长大后想做咩都可以。”

举家移居深圳

最近洪天明举家移居深圳，一家四口适应情况十分理想，天明表示：“香港同内地生活各有好处，小朋友都适应咗，以前佢哋读国际学校，而家想喺深圳读中文好难追，本地学校入唔到，但好在揾到间内地国际学校，中文程度俾佢哋慢慢追上，我觉得中文系世界语言，市场愈来愈大，好多地方用得到！”谈到与太太周家蔚的感情，天明坦言：“之前我喺内地工作多，成日唔喺香港，点解搬去内地？就系想我哋多啲喺埋一齐，但好奇怪，搬返内地，我嘅香港工作又多返，旧年先有《墨鱼游戏2》（被封为‘游戏大王’），跟住又有电影《寻秦记》，之后又有抽闪卡（‘抽天明最高’）等好多话题，以前做好多野冇乜noise，所以做艺人都要睇天时地利人和。”

森美热爱运动

同样热爱运动的森美，去年偕三位朋友一同参加《HYROX香港赛2025》，今年计划卷土重来，与中学同学参加二人赛，森美直言：“比赛完停咗操练，今年再参加，仲有几个月可以练吓，以前靠自己试过拉胸拉伤条颈，而且未必揾到一间gym有咁齐全设施，呢度又有专业教练帮手，好适合！”森美并没有特别期待获奖，主要想挑战自己：“以前俾两个月乜都做到，年纪大咗就唔能够太心急，好在我做好多保健代言人，朝早做facial，下午去痛症中心，第二日再健身，如果做埋健身中心代言人就悭唔少！”森美承认，健身室“诱惑”多多：“我好唔专心，叫住自己唔好挂住望，但我睇男仔唔睇女仔，每一旧肌肉都尊重，全部用时间心机去练，我嘅膊头肌肉好细，好羡慕啲大只佬，女仔就唔好意思喇！”

𢭃小仪利是

自小仪告别商台，森美转与阿正、Elsie主持《Bad Girl大过佬》，他说已习惯与新拍档合作：“年青人好叻，我喺佢哋身上有返动力，我做咗电台三十年，唔系有咁多魄力，好攰想退休，佢哋好似啦啦队，不断同我讲‘大哥加油’，否则我冇咁多动力，坚持每日做节目。”小仪刚宣布参演舞台剧，问到“森美小仪歌剧团”会否重现，森美透露：“睇我动力够唔够，小仪一直有演出，佢钟意演戏，我就钟意做搞手、导演、监制，一于我做幕后，佢做主角！”农历新年将至，小仪刚荣升人妻，森美会不会带仔女向她𢭃利是？“系㖞，冇谂过，你提醒咗我！咁多年小仪都问我攞利是，我都冇俾过，我乡下规矩，唔派俾年纪大过我嘅人，但阮太（小仪妈咪）一直有俾利是我，今年起码带一对仔女去𢭃小仪利是！”