歌手周柏豪“THE BLOOMING CHAPTER”粉丝见面会将于3月14日（星期六）晚上7时启德体艺馆举行。相隔七年再次筹备香港演出，周柏豪强调自己一直维持演出状态，“呢七年去咗好多唔同地方，做咗几个大型巡演。”他自觉现在是演出的最佳时机，“带咗一个更进步嘅周柏豪，嚟一个新嘅巡演。”

摄影：叶志明
发型设计：Pakman Chau
化妆：Jenny Tziong

相隔7年回港开粉丝见面会

周柏豪出道至今19年，出道初期，他凭借《一事无成》、《够钟》等多首脍炙人口歌曲走红，夺下新城、叱咤多个新人奖、男歌手奖和唱作人奖，跃升为一线歌手。近年，周柏豪将演艺版图扩展至大湾区及内地多个城市，参与多个大型综艺节目，包括《声生不息》、《披荆斩棘2》、《大湾仔的夜2》等，内地人气有升无跌。

对于重返熟悉的地方，他表示：“我唔想用‘返嚟’形容，因为我从来无走过，只不过工作重心摆咗喺其他市场。”他坦言能够在家乡开骚意义重大，“能够再喺香港开骚系畀到我啲亲戚朋友、同学嚟到一个我更进步嘅舞台睇我演出。”

粉丝见面会难过搞演唱会

今次他选择以粉丝见面会形式亮相，周柏豪直接了当解释是“潮流兴”。他直言挑战比演唱会更大，“见面会其实仲难做，喺传统演唱会架构上，加上更多互动环节。”他希望拉近与歌迷的距离，“我用相机影大家，透过我嘅眼去望你哋。”会否有握手、抱抱？周柏豪笑说：“可能Fans知我结咗婚，身体接触少啲。”

谈到歌单，他明白乐迷对经典作的渴望，“呢首（《一事无成》）永远喺歌单好高嘅位置，就算郑融唔喺度，台下有4000人同我合唱。”他预告演出将充满惊喜，“我哋设计咗即兴点唱环节，你一讲，如果我有准备𠮶首歌，我就唱。”

周柏豪获封“大湾区男神”

周柏豪在内地获封“大湾区男神”。问到香港歌手打入内地市场困难吗？周柏豪认为：“我唔会用‘打入’，因为我本身都属于呢个大湾区。而家冇分㗎啦，呢个年代科技咁先进，音乐一体化。”他忆述在上海、南宁上节目，观众出乎预料要求他讲广东话；反而在深圳讲普通话较吃香，“我有次喺深圳讲广东话，我以为深圳咁近香港，讲广东话好合理，但反应唔系我预期中咁，佢哋冇反应，原来深圳好多外省人打工。”他形容这次讲广东话是“失败的计算”。

周柏豪直言在内地打拼是一个跳出舒适圈的过程。疫情期间，他试过因在内地工作，与家人分开10个月，但庆幸这10个月为他内地事业打好基础。疫情过后，周柏豪在大湾区工作多即日来回，“北京、上海都可以即日来回。搭最早机飞上海，中午做嘢、搭最尾飞机返深圳，深圳搭车返屋企。”他笑言：“冇唔返屋企瞓嘅理由！”另外，周柏豪曾考虑在内地置业，但他因不想子女失去同学和亲戚故作罢。

谈到外界最关心的身价，早于2023年，有指周柏豪在深圳高级酒店为婚礼担任表演嘉宾时，只演唱了《我的宣言》和《最好不过》两首歌，出场费为70万人民币（约74万港元），周柏豪轻轻带过：“有人欣赏我、邀请我出席佢哋婚礼，咁神圣时刻畀我几分钟唱两首歌，我好大感恩。”

周柏豪结婚十周年大搞

工作以外，周柏豪完全回归家庭，笑言自己已有新的身分，“呢个系主要工作，送返放学、接返放学。”周柏豪仔女报足十个兴趣班，全是小朋友意愿。周柏豪笑道：“我绝对唔系虎爸，放养式，最紧要小朋友开心。”周柏豪不打算追第三胎，“我同太太好享受一人凑一个。”今年适逢结婚十周年，周柏豪称会大搞，满足大女儿的心愿，“我个女成日问，点解当年结婚唔请埋佢，十周年会俾佢哋一齐参与返。”