早前Tyson Yoshi新歌《1994前传 - 追 CHASING THE WIND》微电影首映礼上，爆出ViuTV及Viu1hk封杀游学修的风波，当日ViuTV及Viu1HK不但未有采访主演演员游学修，即使是花絮片段都裁走他，社交平台上亦只标注了其他演员，可说是当游学修透明。其后游学修在社交平台以各种方式表达不满，不过一日后他态度转变，选择暂停纷争：“攰了，唔玩了，本来已经完全放低呢啲嘢，祝你哋咁多位以后一帆风顺。”

游学修化身床哥于JFFT开“修宝心事台”直播

而由于YouTube频道JFFT的床哥早前宣布休假，昨晚（2日）游学修就化身床哥“顶更”，于JFFT开“修宝心事台”直播，一开场已有二万人收看，高峰期更吸引了三万多名观众观看。虽然直播开场时不少人留言提及“Viu”，最初游学修未有正面回应，而是以动画《进击的巨人》主角艾伦的纠结心境来表达个人情感。他坦言正处于挣扎中：“我依家心路历程伴随剧情，同艾伦一样商讨紧系咪发动地鸣（毁灭世界级攻击手段），系咪要做咁多嘢对大家都唔好，但总之暴力就系唔啱啦。”虽然大家似乎都以为有花生食，想听游学修闹人，但“新造的修”面对观众直接提问有关疑似遭到封杀的事件时，则表示今晚不会“开战”，因他主要想大家谈心事，直指：“想听开战嘅就可以走先！”

游学修再度表达了对ViuTV的感激之情　多谢杨尚友引荐

之后游学修以黑画面与变声形式扮演“神秘人阿J”诉心声回应ViuTV事件，他未有表达不满，而是道出自己对ViuTV的感激之情。他直言：“始终呢个电视台都系佢好重视嘅一个地方，所以呢几日佢有啲唔开心，但佢话有样嘢好重要，佢仲未好似而家咁风靡万人，咁名成利就、受万人拥爱，仲系一个丑小子，呢个电视台已经畀机会佢。佢成日话自己喺2015、2016嘅时候，佢觉得自己丑样、好幼嫩、同埋成日失言，但呢个时候，有个电视台畀机会佢。”他感谢电视台给他演出早期开台剧《玛嘉烈与大卫 绿豆》，又在拍《三一如三》认识了厨师Christian Yang杨尚友，对方将他引荐给其他ViuTV同事，使他在冇作品集情况下有机会开拍20集自编自导自演的《仇老爷爷》。

游学修透露身边多人担心　吁支持者停止攻击ViuTV

这位游学修声演的阿J透露，当日给他机会的前辈这两天都有主动致电关心，指当中有些误会，令游学修听完后放弃“地鸣”，笑言：“修仔话，其实佢搞咁多嘢，都只系想‘𢯎’捞啫。只要有机会，佢就会捉住。所以既然呢一位前辈有呢个沟通后，修仔都想为自己讲过嘅嘢，令身边担心佢嘅人唔使惊，阿修喺大厅。你哋唔好再闹喇，如果为咗修仔好，记住佢都系想‘𢯎’捞㗎。”

他坦言之前的行为源于伤心，之后经过沟通、感恩，有了反思；后来他以游学修真身说：“身边好多人都话担心我，threads有人成立关注我精神健康咩剩，呢两年嚟自己好多嘢都成长咗，知道分寸喺边，有冇唔开心？系有唔开心，但头先阿J讲嘅都系我真心话。呢位前辈同我通咗电话，真系由我当日拍电视剧开始，佢绝对冇任何需要畀机会我嘅情况下，畀机会我演出，亦畀机会我拍咗我第一部电视剧《仇老爷爷》，呢位前辈我好重视，之后试当真开骚、搞舞台剧我都有邀请呢位前辈嚟睇，我好重视自己嘅‘根’，好需要归属感，喺JFFT、试当真都好，HOY TV话揾我做访问我都好多谢HOY TV，我自己好重视呢啲嘢，我会记得，前辈有呢啲关心好足够。”阿修又指，自己虽然没做什么，只是留言，但都希望支持者停止攻击，又说：“希望尽快喺黄Viu嘅访问度见到大家。”

预告出席《金多宝》首映　将手持“生啤”入镜盼现身Viu访问

之后游学修又说自己已一段时间没出席行内的首映、演唱会，但MakerVille艺人吕爵安、好友钟雪莹主演的贺岁电影《金多宝》即将上映，游学修透露自己届时会出席首映礼支持好友：“我就去首映礼揾主角影相！然后我希望到时喺Viu嘅访问见到大家！”由于早前他一度将Threads头像换成“生气”的“生啤”（ViuTV吉祥物），近日得悉有人想送他“生啤”礼物，他说届时会在《金多宝》首映上揸住生啤入镜，支持ViuTV！

而在历时四小时的直播尾声，游学修讲真心话，他直言刚才讲有关ViuTV的说话，都是真心话，并坦言：“呢几日心情唔系咁好，系真嘅；头先话希望件事过去，都系真心嘅，我头先话我感恩呢个台畀机会我，都系真心嘅。香港有几多个电视台啫？我哋呢一辈人最缺就系演出机会，佢都的而且确畀我拍咗第一部电视剧，好开心㗎𠮶时有得演《绿豆》，到《三一如三》担正，亦真系咁，我记得金生、鲁生嚟探班，就系金生拉住鲁生，就讲话‘Christian话呢个𡃁仔阿修有嘢想拍’，就咁样开始，有咗《仇老爷爷》，所以我好钟意呢个台。”他指自己前几天确实有留过一些言，但之后已没再助攻叫大家攻击该台，亦希望支持者停止，诚恳表示：“如果真系锡我就由佢啦，希望有我出现嘅地方大家仲会嚟睇，冇我出现嘅地方大家仲记得我。”