商台节目《Bad Girl大过佬》日前因Elsie放假，找来“妹头”卢颂恩代班。没想到妹头一开咪即“有料爆”，阿正（黄正宜）自揭去年情人节被妹头安排秘密相睇，对象年龄更与森美旗鼓相当，妹头避重就轻形容该男士“年纪上细心”。

妹头情人节约相睇饭局

阿正将于本月15日生日，已单身数年的她，去年情人节被老友妹头无预警安排饭局。妹头表示一直有位男士很想介绍给阿正，她解释：“我觉得好照顾到佢啰，年纪上又细心。其实我觉得match，只不过佢怕丑。”随即引来一阵爆笑声。
被爆dating表现怕丑，阿正自辩︰“因为你无啦啦咁嘅speed dating，梗系怕丑！”她扮妹头当日古古惑惑的语气︰“我约佢饮咖啡，饮饮下之后佢话︰ ‘Ah，咁嘅…我有个朋友，就喺我舖头，啱啱做完facial，佢又好似想饮杯咖啡，等埋佢啦，佢同我男朋友都一齐嚟饮咖啡。’结果我哋无啦啦四个人，一齐喺间café度食咗啲嘢，饮咗杯咖啡。”

阿正婉拒再见：唔想操劳人哋

妹头露出得戚表情，笑指自己“有做嘢”，并打蛇随棍上追问阿正：“So far 你哋见咗ok嘛？”森美一闻，笑到吐茶︰“成年之后你先问呢句！妹姐，你做媒人方面会唔会太hea。”妹头狂笑。但其实这位媒人十分尽责，间中有跟进进度“Line up再约食饭”，却被阿正推搪，阿正说：“都唔想操劳人哋。”

森美用“公式”Chok出男方52岁？

至于对方package方面，妹头形容男方︰“粗犷嘅外表，细心嘅年纪。”森美即联想到︰“林雪㖞。”并试图解读“细心年纪”即几多岁？森美转数极快，即席想了一条“公式”说：“男人岁数除2再加2，就系 Perfect 组合。”妹头一时口快回应：“即系28岁左右。”森美随即大笑：“你做咩讲咗出嚟！”

原来该男士约52岁，与森美同龄，足足比阿正大20年。阿正惊讶直呼：“咪同你（森美）一样！”她坦言问过妹头多次对方年龄，但妹头一直回避：“佢永远话‘唏，你唔好理啦，总之就好，有事业又照顾人’。”森美就呼吁该男士可以透过大气电波向阿正示爱。

阿正被封“广播道小富婆”

现年32岁的阿正近年凭综艺节目《胶战》形象入屋，一直默默吸金，接拍多个品牌广告，甚至被笑称为“广播道小富婆”，她早前更自斥7位数，开设咖啡店，荣升老板娘。事后妹头接受传媒访问时，亦希望阿正早日觅得美满姻缘，“觉得阿正系值得有个好锡佢嘅人陪伴”。