为纪念入行40周年，陈松伶相隔14年，再度在港开个唱，日前松松姐姐接受HOYtv主播Angela俞咏文的专访，畅谈重返舞台的心情与近况。

陈松伶重返香港舞台

松松笑言这个演唱会是一个大派对：“今次可以将由出道同埋每个时期一啲嘅成名作，同我嘅歌迷一齐分享！讲真其实我心情非常紧张，因为太耐冇见，亦都唔希望喺表演时有任何闪失，当然现场一定有啲甩漏，但都希望可以做到99分！讲到其中一首最有回忆嘅作品一定系乌卒卒！呢首歌又有创意又可爱，咁我希望喺演唱会嘅时候，大家一齐带住个顶阿拉伯帽一齐唱呢首歌！”

惊爆与丈夫互拍裸照

为了备战演唱会，松松近半年积极收身，成绩亦非常好：“多谢我身边有一个魔鬼教练嘅老公啰，前两日仲喺度积极操我背肌，搞到我而家腰酸背痛！有时佢督促得太劲嘅时候，我就会藐佢㗎啦！最好健身室里面得我两个，如果唔系人哋都唔知我哋喺度不断呻吟做乜鬼嘢！所以我哋成日影裸照㗎！要影低跟进下个进度呀嘛！佢千祈唔可以唔见手提电话！如果流出去就大件事喇！哈哈哈！”

年少入行感到迷茫

回忆入行多年的悲喜事，松松就表示自己太年轻入行，当年常常觉得迷茫：“当时唔会有太多长辈指点迷津，或者畀啲心理准备我，如果当时有人可以同我做多啲心理辅导，或者我会好好多，好嘅嘢对于我嚟讲系一个冲击，而坏嘅嘢亦都系一个好大嘅打击！不过我觉得人系会有起起跌跌，冇问题嘅！总之跌倒之后，能够重新起番身就ok喇！”

爆老公张铎真爱竟是周慧敏

在娱乐圈打滚多年之后，松松回归校园生活，她笑言当时感觉非常愉快：“返返去大学读书，喺学校反而觉得同学对我好好，佢哋甚至帮我做晒啲paper摆喺我车头，我唔觉得佢哋暗恋我啰，因为我啲头发又短，佢都唔知我系男定女！好似我老公咁，头头听到我个名嘅时候，都以为我系男仔，因为我同刘松仁个松字一样！跟住以前我剧嘅造型，条眉又粗到好似青马大桥咁呢！其实我根本就唔系我老公本身钟意嘅类型，佢钟意周慧敏㗎！哈哈哈哈哈！”