《单枪匹马！全港007入子弹大赛》今日（2月15日）举行，表演赛由一位于公开赛胜出的素人，对战洪天明、袁澧林、吴肇轩、白水@好青年荼毒室、良少@JFFT、鸡翼@JFFT、林子峰（Stone）及嘉盈@FH Production。洪天明一向有游戏大王、奖金猎人之称，自然被睇高一线，而今日老婆周家蔚同两个仔仔洪大仁、洪竟稀都现身撑场。去年洪天明在试当真《墨鱼游戏3》晋身决赛，惜玩“007 入子弹”时陆永不停叫人杀死他，而最终他亦死于Ming仔手下，成为决赛最早淘汰的一位。

奖金猎人洪天明志在参与　笑言望向陆永复仇：佢冇嚟系咪惊咗我

讲到今日陆永不在，会否觉得赢面增加，他受访时笑说：“其实唔系要赢呀！我都想佢喺度，我最终目的系想𡁻低佢。（记者：复仇？）系呀！但系佢冇嚟，唔知系咪惊咗呢？所以今日冇嘢，主要嚟到系对一班后生嘅朋友，阿Stone（林子峰）上次合作过，大家一Team去到最后，今日冇乜所谓，唔系话要对住边个，都系参与，唔去打人，净系系咁入子弹。”是次奖品之一是88件花之恋，天明笑言：“唔使啦，我已经食到漏晒啦以前，我估唔到有咁嘅奖品㖞。我觉得都几好，唔知点解做咗呢个咁多年花之恋代言人，今年开始做埋甘大滋代言人，唔知点解，但系开心事嚟嚟嘅。”

惨遭JFFT良少秒杀首名出局　细仔护父交足戏

不过，只求“唔好第一个死”的天明，在今日的表演赛九人局上竟然都是最早出局的一位，被JFFT的良少枪杀。良少直言因为天明太大威胁，并且受人指使，天明就开玩笑说：“我好记仇㗎！我两个仔呀，呢位哥哥，认住佢呀！”而良少开枪时，天明的细仔就扶住爸爸，交足戏向“杀父仇人”良少开枪，天明临走嘅“遗言”系叫阿仔记得帮自己报仇，亦都不忘补句：“《寻秦记》加长版已经上咗喇⋯⋯”

三代同堂香港度岁　稍后陪儿子去冬令营

出局后，天明在场面揽住仔仔观战，家蔚亦陪伴在侧，讲到情人节如何庆祝，天明指正日去了《寻秦记》谢票活动及派挥春，但都有陪老婆和儿子食饭，至于今年新年有何计划，天明透露以往都会跟爸爸洪金宝三代同堂出埠，不过今年父亲初三要开工，自己的小朋友亦有冬令营要去，加上他要拍摄，故留港过年。天明早前宣布定居深圳，问到小朋友是否适应，他说：“其实OK嘅，啱啱开始，因为佢哋读国际学校，中文唔系咁好，反而依家我哋去返学校嘅中文程度要拉返高分少少，我觉得呢个系对于佢哋嚟讲系非常有用，因为将来英文嚟讲之外，中文亦都好紧要，希望可以catch up返。”

定居深圳忙搞品牌　仍渴望多留港：始终自己都系香港人

至于马年有什么目标，天明就说：“好奇怪，上年就……其实呢几年香港工作少，自己开咗个Brand叫‘洪家班’，做一啲Branding嘅嘢，做产品嘅嘢，做幕后嘅嘢多啲，但系离开咗香港之后，反而上年突然间香港嘅嘢又比较多返，我觉得如果系好嘅，就keep住多啲返嚟，呢个我好想，多啲返到嚟陪屋企人，又可以陪小朋友，同埋始终自己都系香港人，喺香港出世，希望多啲时间系返香港。”

代洪金宝发表金像奖入围感言　冀交棒下一代：唔需要多个奖证明实力

讲到洪金宝凭《寻秦记》入围《第44届香港电影金像奖》最佳动作设计，一家可有预早庆祝，天明就发表自己感受：“我唔可以话100%系佢嘅心声，但系我觉得佢多一个奖同小一个奖，佢其实唔系好大所谓，当然有提名系开心，但系佢嘅地位嚟讲，唔需要再多个奖证明自己实力，但系我反而觉得佢会觉得不如畀多啲机会其他后生，或者有啲未攞过奖嘅武术指导，佢哋攞嚟讲，系对于佢哋系更有价值。依家我哋《香港电影金像奖》又好，其实佢哋辈份已经……好似以前校长同哥哥一样，佢哋唔攞奖啦㖞，主要个原因都系俾多啲机会下一代，如果唔系佢哋继续攞奖其他人攞唔到，可能对于佢嚟讲冇乜所谓，有提名已经OK，但系攞奖佢可能会觉得……系咪俾啲新人或者其他人去攞好啲呢？”天明强调这是自己想法，但相信父亲都会这样想，因他已不需靠奖项证明自己地位，相信父亲都会乐见交棒予下一代。