周秀娜被李家诚入禀控告诽谤震撼全城 支喾仪19字吐感受
撰文： 吴子生
出版：更新：
娱乐圈再爆震撼弹，港产性感女神周秀娜近日被富商李家诚入禀控告诽谤，消息一出即时引爆社交平台，全城热议。据悉，事件起因疑与早前周秀娜于访问中谈及一宗商界传闻有关，言辞被指涉及误导及损害名誉，令李家诚方面正式采取法律行动。
支喾仪表示作为艺人个心要稳定。（吴子生摄）
网民反应两极
周秀娜被李家诚入禀控告诽谤一事，短短数天喺网上持续发酵，话题热度有增无减。社交平台充斥住支持与批评的声音，网民反应堪称“两个世界”。
一方面，大批粉丝表态撑“娜姐”，留言区涌出“撑到底”、“真性情最可贵”等标签，更有人替佢担心：“咁大压力，听讲佢几晚冇乜瞓得着，真系要保重身体。”不过亦有网民保持冷静态度，认为艺人讲话要审慎：“虽然唔知真相，但呢啲级数人物嘅事件，讲错一两句都可能出事。”
支喾仪今日现身尖沙咀出席《2026新春国际汇演之夜》彩排。（吴子生摄）
作为艺人个心要稳定
支喾仪今日（16/2）现身尖沙咀出席《2026新春国际汇演之夜》彩排，就事件接受《香港01》访问时表示：“其实我哋作为艺人，我哋嘅存在，其实有好多唔同嘅人，会用唔同嘅即系心态去睇每一件事，其实都好唔一样。即系譬如我本身想行左，但系啲人想硬话你行右，你就会行右，反而我觉得我哋自己最紧要系做好自己本分。”
支喾仪。（吴子生摄）
相信你的人会知你真本性
支喾仪续说：“因为真系当事人先知，而我哋就真系要做好自己啦 ，因为真系咁多谣言，咁多绯闻，咁多负面嘅恶评，又或者啲黑粉，我哋系控制唔到嘅 ，但系最紧要系你自己身心要健康同埋开心。因为我哋做乜都会冇人话，真系相信你嘅人就会知道你真实嘅本性。真系唔相信嘅人，就算你系做善事人哋都系话你系攞嚟宣传。咁所以我觉得做呢一行大家𠮶个内心内核要好稳定，如果唔系一个恶评，可以将你个情绪放得好大。”