钟柔美（Yumi）“讲大话风波”早前成为讨论焦点，不少网民批评她讲大话有心欺骗粉丝，但也有忠粉表示没有反感。钟柔美早前接受传媒访问中也坦承当时太细个，才不懂处理问题。今日（22/2）TVB剧集《卧底娇娃》宣传活动，有份主演的钟柔美亦有出席。她接受《香港01》访问时，直认与“事件男主角”刘展霆（Edan）的关系已经转变了，变成了朋友。

否认被“雪藏”

问及早前是否被公司“雪藏”，现在已“解冻”，钟柔美回答：“其实公司系冇雪藏我嘅。同埋最近我都见到好多唔同嘅新闻，都有写好多唔同嘅嘢，我自己都的确系好唔开心嘅。所以我前排都休息咗一阵。但系今次呢，我就好开心可以出返嚟去见返我啲粉丝啊，见返好多唔同嘅演员啊。就真系突然之间返返去拍《特勤女团》𠮶阵𠮶个画面。”钟柔美终于解冻获过百粉丝支持　忠粉力撑：唔觉得系咩好大件事

陷低潮获家人力撑

谈到早前的心情，她坦言曾经因事件而陷入低潮：“都有段时间嘅，但而家都OK。（朋友有冇关心你？）一定有嘅。佢哋每一次……真系开一开个电话都见到我咁样，佢哋都有问我有冇事啊。都好开心有屋企人、朋友嘅关心。（父母呢？）有，一定有啦。屋企人嚟㗎嘛。屋企人永远喺我心入面系占最大嘅一个位置。佢哋无论如何都会好support 我，同埋都会撑住我。所以佢一定会关心我。”

承诺日后对异性“划清界线”

提到网民对于她的新闻十分关注，她直言没有太留意网民的言论：“前排有睇嘅，但系我觉得comment呢啲嘢，即系大家其实都有佢哋嘅睇法。我都冇得控制大家喺个comment上面或者个键盘上面写啲咩。所以我觉得最紧要就系我自己可能我今次做得唔好，咁我希望未来我都会做得更加好俾大家睇。”

问到以后外出庆祝时，会不会“小心啲”，她回答：“冇谂咁多。我谂呢个系一定要留意嘅。但系我觉得识朋友呢啲嘢顺其自然啰，啱倾咪做friend啰。但我自己对于异性呢样嘢都会再小心啲。同埋我都希望可以畀到对方个感觉就好似真系有一条界线喺度咁样。”

拒认刘展霆系男友！狠心降级

再讲到“男朋友”刘展霆有没有关心她的话题，她就纠正，说：“咩男朋友仔？（指刘展霆Edan）呢位朋友都有关心我，但唔系男朋友仔，系‘朋友’。”记者再追问，为甚么关系出现了变化，她也回答：“我同佢退返去朋友，有啲转变。系啦，因为有好多新闻啦，大家都好关心大家呢样嘢，但我都希望喺呢度同大家讲声，喺感情上都可以畀返少少空间我。因为我觉得我都要去处理好多唔同嘅嘢，同埋我希望自己都可以揾到自己嘅重心，即系工作啊、学业、感情呢啲嘢去慢慢再去balance返。”

后悔14岁自称“A0” 认错叹：冇人教我点样讲

会不会后悔当年在《#后生仔倾吓偈》时表示自己是A0？她想了想，回答：“我可以话系有少少后悔嘅。因为细个啱啱入行，我就真系唔系好识谂……14岁……咁就冇人教我点样去讲呢样嘢。咁的确都系我自己嘅错啦。因为经过到到今时今日大家都真系放大嚟讲啦。但系讲起黑历史，我觉得呢啲系人生嘅经历嚟嘅。我谂大家唔系个个人都会经历呢样嘢，但系一个阶段，系需要时间去磨合或者去经历。”

获乐易玲开绿灯力保

经历过这件事之后，她表示公司高层倾向关心多于责备。她回答：“乐小姐都好关心我嘅，同埋公司都冇畀任何压力我。我觉得最紧要就系做好自己𠮶part。之前做错咗嘅，咁就要证明返畀大家睇。乐小姐都好支持我，畀好多机会我。未来嘅路应该点样去行，啲意见佢都有畀我听。”