玄学大师李居明昨日（22日）现身《粤剧特朗普4.0》活动，与龙贯天、邓美玲、江欣燕、宋洪波、陈咏仪、郭启辉、符树旺、苏钰桥于开Show前出席拜神仪式。除了为新戏造势，更即场为2026年演艺圈“把脉”。大师心情大好，透露近期粤剧与电影市场均传来喜讯，更特别点名指马年将会是“女星天下”。

《粤剧特朗普》成功突围

李居明大师在访问中提到近年粤剧界的转变，大师显得相当自豪。他指出，传统粤剧必须加入新意才能生存，例如他创作的“时事粤剧”，将特朗普等现代人物搬上舞台。他透露，相关作品在短短一星期内便售出超过5,400张门票，票房成绩极为理想。他认为这种“跨界合作”是粤剧界的新刺激：“咁我谂最大嘅特色，就大家系觉得，除咗传统粤剧之外，呢种时事嘅粤剧，大家都感觉到好新意。咁呢种新意嘅粤剧就系我哋粤剧行里面，就能够今次有啲跨界嘅艺人，嚟同我哋jam下！都非常之有意思，就系喺传统嘅粤剧大家都睇得多啦，原来加多一个好似江欣燕咁样嘅角色落嚟，令到我哋粤剧界都觉得好欢迎。另外，就将粤剧带到比更多年青嘅观众，同埋更多界别嘅观众睇，咁呢样嘢都系对于剧界嚟讲系一个新嘅尝试，同埋新嘅刺激。”李居明师傅更指今次跨界演出获得空前的成功：“最少喺票房上面获得一个好大嘅成功！”

李居明大师更提到《粤剧特朗普4.0》到开骚前仍在“飞纸仔”：“特朗普话关税战，而家打官司输咗，即刻改台词啊，即系话要同佢继续去搏斗，都系要改台词，咁所以日日都喺度改。”李居明大师表示看好今年的电影业：“今年我相信电影嘅票房都有改进，今年嘅贺岁片都系收得！咁我都啱啱听呢个电话话新光黄埔今日又爆。”至于早前翁子光导演表示《金多宝》被排至“天地场”，李居明大师则表示有马上跟进：“咁我就即刻喺新江黄埔同佢哋讲有冇咁嘅情况，佢话冇！我哋都有中间场嘅，咁所以我哋都因应呢个原因呢，我哋尽量系摆佢好啲嘅档期啰。”但因为《夜王》的需求量的确比《金多宝》高：“咁《金多宝》系蚀底啲，即系无论宣传同cast，咁所以造成我哋戏院都系睇观众嘅反应。”

九紫离火星带旺“大小姐”

2026年对香港演艺界而言是一个兴旺的“好年”。他解释，随著九紫离火星飞临东南方，这在卦象中代表“顺卦”及“大小姐”，预示明年娱乐圈将会是女性当道的一年。大师笑言：“咁所以如果你系女性呢，今年可以恶啲之外呢，亦可以问老细加人工，都冇乜走鸡㗎啦！所以喺娱乐圈呢，今年你留意所有女仔都系威晒啦。”李居明大师更点名周星驰的《女足》将会大收，因为里面有不少的女演员。

展望未来，李居明大师对香港电影及剧场发展充满信心，更直言不少政治人物的态度也开始转向温和，整体大环境有利于娱乐事业。他最后勉励同业，在2026年这个“奇迹之年”，大家要学会识变与应变，透过不断创新来应对市场挑战，定能创造出更多百花齐放的作品。李居明大师最后更幽默提醒：“男仔就系西北方摆个财箱，女仔西南方摆个财箱，呢个就系40年嘅经验，你唔做你就笨啊！”