有“最美星二代”之称的唱作歌手林恺铃（Ashley）去年以528万“低捞”入市大坑第一阁开放式单位，年仅25岁已成功“升呢”做业主，被赞叻女又醒目部署未来。

升呢做业主

据了解，林恺铃购入的是第一阁低层A室，属开放式间隔，位置邻近铜锣湾及天后一带，生活配套成熟，深受年轻上班族欢迎。原业主在2022年以约680万元买入，持货近3年转手，帐面蚀约152万、跌幅约两成二，令林恺铃得以在减息、楼价回调之下，以相对“贴地价”成功入市上车。

买楼学投资

林恺铃今日（23/2）现身中环出席活动，接受《香港01》访问时表示：“而家自己住，我开始咗啲好嘅习惯，例如记账。因为我之前从来冇记账呢个习惯，我系开始觉得当你投资咗买楼，自己都要知自己啲钱去咗边度，变咗我就开始记账。我觉得系一个几好嘅习惯，即系同储钱一样。”

家头细务自己做

林恺铃又指现时所有家头细务都自己落手落脚做，为自己感到骄傲：“而家地方唔系大，好多嘢都自己可以做到。（会唔会觉得以前同妈咪住好幸福咩都唔使做？）有呀，所以新年嘅时候我就返咗妈咪度屋企瞓，因为一家人团团圆圆会开心啲。（妈咪有冇上你屋企发现冇执屋？）系有嘅，哈哈，妈咪要求比较高屋企要干净，佢上到嚟话过我点解啲衫会摆呢度，但对我嚟讲我系住得好舒服。”

置业毋须靠妈妈

被问到置业是否一笔过付款？林恺铃否认，还笑言：“供楼话冇就假嘅，都有啲。同埋除咗想有自己嘅空间之外，自己都想学识投资。（妈咪有冇出手帮？）冇呀，我谂我比较早入行，同埋又同妈妈住又储到钱，咁所以就唔使妈妈帮。”