方力申去年12月中喜迎爱女Isla，与太太叶萱（Maple）荣升为父母，有女万事足的他经常在社交平台分享爱女的日常点滴，成为超级“晒女狂魔”！今日（26日）是方力申46岁生日，他在IG大晒两父女的合照，宣布已为囡囡改中文名“方爱嘉”，并分享为人父的感受！

方力申为人父3个月感触良多

回顾过去一年结婚生女，方力申坦言近三个月以来感受多多：“如果人生系一场游戏，单身𠮶阵我觉得自己都几好，工作稳定，有过啲成绩，自己同父母都健健康康，呢个游戏玩得几好！但结婚后，我发现呢个游戏突然难咗好几级！”他认为结婚后要好好实践“一生一世”的承诺，而女儿出生之后，感觉就更加强烈：“养儿一百岁长忧九十九，各种计划、担心不断涌现，唔只系我，仲有我太太一齐经历。令我觉得未来呢个旅程系一定会更加刺激，心入面紧张得来，又充满期待！每个人都有唔同选择去过人生，单身，就系将‘自己’活出极致，结婚生小朋友，就系将‘我’变成‘我们’。”

方力申为囡囡改中文名“方爱嘉”

而方力申为爱女Isla改中文名“方爱嘉”，背后亦有含义：“拣‘爱’字系因为我屋企房间门口有两幅书法分别系‘爱’同‘家’。对我嚟讲，家庭系最重要，‘爱家’系我生活嘅重心。而且‘爱’嘅普通话发音又可以同Isla呼应。至于‘嘉’字，系老友陈定帮师傅帮我哋改嘅，发音亦系同‘家’字一样。讲到我哋嘅家庭Family，F代表Fong，A系Alex，M系Maple，I系Isla，L系未来嘅宝宝，Y系Yip，既然中英文意思都咁夹，所以就干脆叫佢爱嘉啦！Isla爱嘉，爸爸今日嘅愿望就系希望妳能够一生平安、健康、快乐！（其他就随缘啦）”看来方力申已准备好再追多个B！