现年41岁的周永恒在2001年以歌手身份出道，2010年与赵颂茹奉子成婚，惜2014年因连横爆出婚外情而令人格破产，更离婚收场。2018年周永恒与内地女友陈薇结婚并诞下一子，但2023年又再爆出家暴事件，夫妻一度闹上法庭，二人的婚姻关系变得扑朔迷离。近年周永恒负面新闻缠身，包括刑事恐吓、袭击警务人员、涉嫌非法驾驶电动可移动工具等，几近绝迹娱乐圈，但日前就有网民在Threads发帖，指在港铁车厢内遇到周永恒，当时他更公然与一名妙龄女子亲热，掀起网民热议。

周永恒地铁车厢揽女

日前（26/2）有网民在社交平台上发文，指在地铁车厢中遇到周永恒，并写道：“周永恒食女真系有一手，究竟可以撞到佢几多次？好似已经第5次，周润发又唔见俾我撞到。”相中所见，周永恒揽着一名妙龄女士站在车厢中，显得颇为亲暱，有网民指相中女士就是他的现任太太，但亦有人指出曾几次遇上周永恒，但每次他的身边都有不同女伴：“我天水围都撞过几次，都唔同女，佢真系有计”、“点解咁人渣都可以咁多女”。

周晓彤嬲爆闹世纪贱男

其实去年曾有人遇到周永恒与一名染了一头紫发、膊头有一只花枝鼠的女子，一起返回屋苑，有传该名女子就是Model兼前女子组合MVG成员周晓彤（Ivy）。而周永恒被爆出车厢揽女后，昨日周晓彤就在Threads转发相关照片，并写道︰“真系世纪贱男周永恒，你都呃得我透，呃我话离左（咗）婚，千万个大话，咁多个月黎（嚟）无限次烦住我，报警都报左（咗）好多次，一次又一次出轨，人渣！”但其后她又删post，有网民问道︰“周永恒系咪我谂紧𠮶个周永恒”，她就回复︰“Yes”。

周晓彤因拒爱遭骚扰及威吓

不过周晓彤就强调周永恒只是追求者，而自己就因拒爱而受到骚扰及威吓。“我手快快，冇讲清楚，一直以来我冇出声，因为生命安全受到威胁，但系我唔会再哑忍。”并踢爆男方︰“我识咗佢10几廿年，就算佢未同依家个老婆一齐之前，佢已经系追紧我，但我冇同佢一齐，咁多年嚟都系朋友关系，佢有咩都会揾我呻揾我帮佢，后来佢同我讲话佢前妻俾绿帽佢带，话佢个仔好惨，走嚟求我一个礼拜帮佢睇住个仔一次，又话自己无家可归，又话自己瞓街。

周晓彤大爆周永恒与老婆已分居大半年

“求我帮佢一个星期凑一次佢个仔，好心帮佢，点知原来比我发现佢系收埋个仔，唔俾佢返学，”她指男方孭官司期间，以儿子做筹码，向其妻家人索钱，她续说︰“然后佢一次又一次咁威胁我，跟踪我，又话要X咗我，又话要黑社会嚟搞我…佢个仔超惨，冇学返仲要比佢搞到学校都转咗好多间…我帮佢凑咗几次，之后先知道，佢真系好恐布，佢个仔超惨。”周晓彤又大爆周永恒与老婆已分居大半年，搬出爱巢后在天水围租住㓥房。

周晓彤指多次遭对方恐吓

周晓彤更指多次遭对方恐吓︰“一直以来我都好惊，佢一阵又话要X我老窦老母，一阵又话要X佢前妻，一阵又话X我。”她称因男方一“卡”在手，所以就算报警，警方亦无计可施，“次次报警佢就喺人前扮冇嘢，扮正常…啲警察带走咗佢，佢咪又返嚟烦我，一直以来我唔敢出声，因为担心个人安全问题。”