谭旻萱（Mandy）近日首度出战米兰时装周，将香港“茶餐厅精神”带到米兰，5分钟狂扫高级西餐吓亲店员；意外撞见偶像aespa成员Karina（柳智敏），“庄重表情”打招呼吓亲偶像，谭旻萱急忙向广大“老公们”求饶。

谭旻萱大赞米兰时尚

谭旻萱（Mandy）最近获邀到米兰出席时装周，作为新新代艺人，Mandy有幸首次到当地欣赏多场2026秋冬季时装骚，令她眼界大开。经过近一周的紧密行程， Mandy笑言相当充实，心情战战兢兢，同时也是一个非常好的体验，她说：“米兰真系一个充满时尚感嘅城市，去到边度每个人都会打扮得好靓，就连只是走在街道上嘅公公婆婆，都着得好时尚好靓，令我自己都觉得要份外注意打扮，就连我去到二手店shopping，店员都会畀满满嘅情绪价值，成日会赞你好靓，令到个人心情好好；而我都留意到当地对宠物非常友爱，去到边都可以携带宠物，就连车厢、高级餐厅都可以共融，我会觉得做宠物都好幸福！”

谭旻萱5分钟食完高级西餐

Mandy仙气的外貎、麻甩的性格有很大的反差萌，今次远走米兰的高级餐厅，都不忘将“港式茶餐厅饮食文化”带到国外，她笑说：“有一日我哋订咗间高级餐厅食饭，餐厅系望住好靓好靓嘅大教堂，因为我哋工作关系时间好赶，我哋又想把握时间食完嘢出去影吓靓相，最后我哋只系用咗5分钟时间就食晒台上面嘅嘢然后埋单，点知餐厅嘅店员好惊讶，好疑惑咁问我哋系咪真系食完，我哋都觉得好搞笑，呢个系香港人茶餐厅精神。”

谭旻萱偶遇Karina

而在餐厅内Mandy更有意外惊喜，遇上韩国女团aespa成员Karina，超级兴奋，Mandy说：“我哋喺餐厅遇到Karina，见到我嘅超级偶像，当时我托住手踭点咗个头，反而好似吓亲佢，佢都即刻好怕羞咁挥手点头，各位Karina 嘅老公们可唔可以唔好公审我，我系出自于兴奋同开心，但系唔想骚扰偶像嘅心，所以唔小心用咗一个比较庄重嘅表情吓亲咗佢，不过至少都有同偶像打招呼！𠮶日真系行运！”