农历新年前夕开始，义工在落马洲陆续发现狗狗离奇失踪，短短一个月内最终寻回的多具尸体，已严重肿胀或被抛进鱼塘，场面惨不忍睹。警方现已将案件交由边境警区刑事调查队第二队跟进，列作“残酷对待动物”案件处理。事件引起社会极大关注，一向爱护动物的艺人袁文杰在社交平台主动为毛孩发声，斥责行凶者行为冷血无道，更希望能唤起公众关注与正视问题。

袁文杰怒斥行凶者冷血

袁文杰今日（3/3）现身电视城出席出席《爱．回家之开心速递》宣传造势活动，接受《香港01》访问时震怒：“好嬲真系要讲粗口，真系好乜离谱，你谂下佢特登趁你农历新年期间，就放啲有毒嘅食物，咁啲狗梗系食，就咁20几条生命就冇咗，我觉得系冷血到佢系处心积累，能够谂起呢一样嘢都已经唔系人嚟嘅。”

斥“以命换命唔合情理”

“其中有一只我睇到佢哋影嘅相，喺浮喺个水池𠮶度，真系好心痛。而我睇到单新闻就系话其中有一单可能嫌疑涉嫌嘅，有狗咬死咗某个人嘅羊，所以报复。就算真系，你几咁愤怒都好，你而家以命换命，呢个系唔合情理，仲系人嚟嘅，我哋人就系唔能够咁样，真系想打佢一镬。我好希望警方尽快破案。”