林盛斌（Bob）及钟楚霖的棋人娱乐，今日（3日）举行《The Best Awaits 棋人先声迎新聚》，宣布王海榛（Dada）、许惠菁（Charmaine）、应昌佑（Charles）、刘晨芝（Adrienne）加盟司仪团队，Bob、余迪伟及四位受访时，Bob各自讲到与四位的渊源，大赞：“每一位我自己都觉得佢哋都好有potential，同埋佢哋做主持人经验唔算好丰富，当然迪伟唔同，新呢几位，我觉得每位都有佢哋亮丽嘅地方。”

Bob大赞四名加盟新血潜力无限　冀带挈王海榛拍住做婚礼司仪

他指应昌佑对体育熟悉，亦可走亲子路线；刘晨芝本身社交平台已有很多客户，只是不懂如何开价，有公司帮手更好；而Bob早在许绍雄离世时，已十分欣赏其女儿许惠菁在YouTube节目的互动表现，对王海榛亦一样，觉得她帮手主持父亲王晶的节目，愈做愈好：“知道佢开始有做婚礼司仪，我自己做婚礼司仪都系，个客话‘咦？阿Bob，如果揾你之余，会唔会揾个女主持做吓拍档？’我话既然有咁嘅机会，我都可能推Dada或者边个都好，俾多啲新人一齐去做司仪。”

迪伟被封“老Seafood”爆“抹窗佑”笑料　Bob澄清佣金一视同仁

迪伟自称“老Seafood”，但讲到这里他指住Dada说：“呢条女啰！我话系老臣子，佢又话我系老屎窟！不过呢条𡃁妹我N年前做话剧𠮶时，佢读紧中学我已经识佢，应昌佑我又合作过做舞台剧，好多年。（Daaa：我哋系同一个舞台剧㗎！）你记唔记得𠮶时你有个花名？你叫‘抹窗佑’！有个舞蹈系咁样抹，所以叫‘抹窗佑’，其实佢两个都好熟，另外两个慢慢都会熟。你哋记得孝敬吓我老屎窟，阿Bob老细，我听讲我哋早期啲签嘅，𠮶啲佣系少过佢哋㗎㖞？”Bob即表示：“全部都系一模一样！”又指自己最开心是去年帮迪伟做了一个具水准的独脚戏。

刘晨芝王海榛开条件夹击媒人Bob揾笋盘：唔好净系理陈庭欣

刘晨芝自我介绍时，直言：“希望今年多啲时间同金牌司仪阿Bob合作，但系你都系金牌媒人，今年搞咗我先！”她于访问中与Dada争住插队，Adrienne：“你应承咗定欣之后就系我㗎！”Dada则抢白：“唔好净系理陈庭欣先得㗎！系咪我哋又要去拜狐仙呀？”你一言我一语十分搞笑。Bob叫众女讲讲择偶条件，Dada说：“我钟意有才华，都要孝顺，孝顺嘅男仔坏极有个谱。（Bob：要孝顺你老窦呀嘛？）梗系要啦！”

阿Bob cue到Charmaine时，她指Adrienne较赶时间，Adrienne随即开出条件：“想要有六嚿腹肌啦，最紧要有上进心，又高、有勤力， Respectful、对人好、kind，好少条件啫，你揾到嘅！”而Charmaine就说：“对人好啦，心地善良好紧要，好似打牌咁，牌品好人品都好，所以人品系好紧要，当然孝顺，同埋最紧要系锡我，锡埋你好冇？（Bob：使唔使揾多啲钱？）（Dada：梗系要啦！”食花生的迪伟就觉得大家好“行”，似选港姐说心愿是世界和平一样，唯独Adrienne要求六嚿腹肌最明确，又谓：“ size𠮶啲要倾吓㗎嘛！”

Bob亲解露股相由来　迪伟：你露咗全身最靓𠮶忽

阿Bob跟陈山聪、梁烈唯、伍咏薇主演的贺岁片《妈妈又要嫁》近日在马来西亚上画，目前冲到400万马币票房，Bob直言因对手强劲，这个成绩殊不简单。之前陈山聪曝光了阿Bob的露股相，他说：“你讲紧pat pat𠮶张相，系去到最后，最尾𠮶一幕，导演话你哋自己玩，唔理你哋玩乜，我哋都冇谂住做啲咩，自己围威喂，佢哋又黐鬼线，一个又揼我埋墙，一个就拉低我条裤，真系成个箩柚现咗出嚟，咁出唔到街㗎！你喺马来西亚未必过到电检。（迪伟：你露咗全身最靓𠮶忽。）最滑啰，好过露肚腩，我到出街嘅时候候我系‘休’返条裤嘅。”

否认不满马来西亚院线排片大细超：咁嘅排片量有呢个票房好感恩

被问到早前是否对马来西亚院线排片有争议，Bob否认指自己能上初一档已十分感恩，“我就话比人哋少啲嘅排片量入面，都有而家呢个成绩，我觉得好开心，好感恩，可能因为咁样有啲人觉得，你系咪讲紧唔公平呀？或者你觉得人哋好多、你哋少啲，觉得大细超，完全唔系呢个意思，亦都冇呢个意图讲呢样嘢。纯粹觉得咁样嘅排片量，如果都有而家400万，我觉得都非常唔错，想鼓励返成个电影嘅幕前幕后团队。啲朋友仔睇完之后话，你系咪讲紧边套戏特别多特别少，我唔系讲紧指定某一套，我系讲紧我系戏院院线，人哋咁有record，你哋三条友冇任何track record，可能畀少啲你哋，呢个信心问题。今次排片量少，都有呢个票房，出年再有嘅时候，会唔会俾返多啲场次我哋呢？”

囡囡带男仔拜年狂逗利是　Bob：我话唔系佢条仔唔使咁大封

阿Bob今年初三开市，只得初一、二可以跟家人团聚，去年女儿霏霏带了男朋友回家拜年，不过之后已分手，问今年女儿有否再带“新朋友”回家，Bob笑说：“今年佢有带朋友返嚟，但系𠮶个系朋友，唔系男朋友。上年第一次见男朋友，但系𠮶个就已经缘已尽，原来喺后生仔嘅世界，好快就已经缘尽。佢呢个系朋友，唔系拍拖，佢话大家唔知去完学校面试之后返嚟逗利是，个𡃁仔逗咗千几银！𠮶日我屋企好多人，个个都醒佢，我话发达啦，𠮶啲人问‘佢条仔呀？’我话‘唔系呀，friend嚟㗎咋，唔使咁大封。”