叶子楣手掩下腹惹担忧亲解健康状况 否认唔食嘢：每日运动三个钟
撰文： 邓颖琪
出版：更新：
叶子楣（昨日）现身好友陈德森的新书发布会，她说自己跟对方很好朋友，虽然本身少睇书，怕伤眼睛，不过觉得对方的作品以奇幻做题材也十分吸引，会阅读一下。陈德森在活动上透露即将开新戏《1941》，问到会否举手客串一角，叶子楣说：“要我开到出口就唔好啦，系咪呀？我个人好得意，人哋钟意揾你，我就觉得开心，但系我唔会话‘有戏开呀？’点样点样，我唔会咁样做。”
叶子楣（昨日）现身好友陈德森的新书发布会。（陈顺祯摄）
陈德森在活动上透露即将开新戏《1941》，问到会否举手客串一角，叶子楣说：“要我开到出口就唔好啦，系咪呀？”（陈顺祯摄）
获邀复出拍戏屡遇阻滞 感叹电影市道差：得个倾字
她说若陈德森叫到，会再考虑一下角色是否适合，问到有没有其他作品邀请自己，叶子楣直言：“系有嘅，但系好多得个倾字，啲金主系咪真系拎钱出嚟呢？倾过好多次，而家市道，个个都话投资电影即系抌钱落海，好多人都惊咗，不过而家好似开始好返啲。”她指去年都有不少人找自己拍摄，主要是怀旧的作品，不过都是“得个倾字”，目前未有已落实的作品，但她就觉得顺其自然，马年也没有什么工作大计，只要身体健康、能做自己喜欢的事就足够。
问到有没有其他作品邀请自己，叶子楣直言：“系有嘅，但系好多得个倾字，啲金主系咪真系拎钱出嚟呢？倾过好多次，而家市道，个个都话投资电影即系抌钱落海，好多人都惊咗，不过而家好似开始好返啲。”（陈顺祯摄）
激瘦身形惹网民担心挨饿 澄清食好多嘢：每日做三个钟运动
叶子楣真人非常瘦，问是否刻意Keep fit随时为拍摄做准备，叶子楣说：“我冇谂过系咁，纯粹我自己钟意运动，我冇谂过因为咁样而要keep，系我觉得人一定要keep，要运动，唔系为咗我要复出，系我要keep到靓，要爱自己。”早前有网民在活动上见到她，说她太瘦，担心她吃不饱，她回应：“其实唔系，我食好多嘢，可能我钟意运动，食嘢最开心，唔食嘢减肥我觉得唔好，咁样先会越减越肥，因为新陈代谢慢。系要食嘢㗎，人哋以为我唔食嘢，真系好笑，识我啲朋友就知道，‘哗！你食咁多嘢！’”她透露自己每日做三小时运动，包括伸展、Sit-up、当中至少跑个半小时步，运动就是为了吃更多。
早前有网民在活动上见到她，说她太瘦，担心她吃不饱，她回应：“人哋以为我唔食嘢，真系好笑，识我啲朋友就知道，‘哗！你食咁多嘢！’”她透露自己每日做三小时运动，包括伸展、Sit-up、当中至少跑个半小时步，运动就是为了吃更多。（陈顺祯摄）
掩肚现身惹患病揣测 笑称全属误会：唔知只手摆边
对于在活动上有人见到她掩著下腹，担心她是否身体出状况或不舒服，她说：“我都听人咁讲，其实梗系唔系啦，我唔知只手摆喺边度。啲人话唔通佢个肚唔舒服？绝对唔系，冇呢个（健康）问题。”
在活动上有人见到她掩著下腹，担心她是否身体出状况或不舒服。（小红书）
叶子楣说：“梗系唔系啦，我唔知只手摆喺边度。啲人话唔通佢个肚唔舒服？绝对唔系，冇呢个问题。”（陈顺祯摄）